231 год таму ў Гродне пачаўся хатні арышт караля Станіслава Аўгуста Панятоўскага
Па загадзе імператрыцы Кацярыны II кароль быў вымушаны пакінуць Варшаву 7 студзеня 1795 года. Ужо праз пяць дзён, 12 студзеня, ён прыбыў у Гродна, не маючы ні рэальнай улады, ні палітычнага значэння. Тут яго фактычна ізалявалі і адрэзалі ад любога магчымага ўплыву на далейшыя падзеі.
У Гродне Панятоўскага размясцілі ў Новым замку, дзе ён быў пад пастаяннай аховай. Афіцыйна гэта называлася "ахоўнай апекай" з боку царыцы, але фактычна гэта быў хатні арышт. Караля абмежавалі ў перамяшчэннях нават у межах горада, яго лісты кантралявалі і любы кантакт з вонкавым светам быў пад расійскім наглядам.
Нягледзячы на абмежаванні, кароль спрабаваў захоўваць прынамсі вонкавае бачанне нейкай нармальнасці. Ён утрымліваў невялікую світу, вёў перапіску і спрабаваў паўплываць на свой лёс. Але яго дзеянні ўжо мелі мала значэння. Гродна стала месцам чакання на рашэнне яго справы ў Пецярбургу.
Чакаць давялося амаль год - 25 лістапада 1795 года караля прымусілі падпісаць адрачэнне ад трону.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
