! Сасҡауҙарың өсөн, ҡышым, рәхмәт! Ҡайнар һалҡынлыҡҡа ғашиҡмын. Мин йәйҙәрҙә, етеп илар хәлгә, Тойғолар саф, ниәттәр аҡ мәлгә, Ҡарлы ҡосағыңа ашыҡтым. Һалҡындарың, ҡышым, һағындырған... Һалҡынлығың менән табындырған Һине һағыныуым - үҙәктә. Һин донъяға мине ғашиҡ иттең, Китһәң, аҡ өмөттәр яғып киттең, Һүнмәй хистәр, ҡайнай йөрәктә. Ҡыштар әллә һалҡын, әллә ялҡын? Хистәр тулҡынлана алҡын-алҡын, Талғын ҡарҙар моңло йыр яҙа. Ҡырыҫ булмышымды үҙ иткән дә, Аҡ ҡышымды йырлы һүҙ иткән дә, Әлдә, тием, һин бар донъяла. Миләүшә Ҡыҙрасова.
Сәңкеп өшөй ике битем, Рәхәәәәт!
Сасҡауҙарың өсөн, ҡышым, рәхмәт!
Ҡайнар һалҡынлыҡҡа ғашиҡмын.
Мин йәйҙәрҙә, етеп илар хәлгә,
Тойғолар саф, ниәттәр аҡ мәлгә,
Ҡарлы ҡосағыңа ашыҡтым.
Һалҡындарың, ҡышым, һағындырған...
Һалҡынлығың менән табындырған
Һине һағыныуым - үҙәктә.
Һин донъяға мине ғашиҡ иттең,
Китһәң, аҡ өмөттәр яғып киттең,
Һүнмәй хистәр, ҡайнай йөрәктә.
Ҡыштар әллә һалҡын, әллә ялҡын?
Хистәр тулҡынлана алҡын-алҡын,
Талғын ҡарҙар моңло йыр яҙа.
Ҡырыҫ булмышымды үҙ иткән дә,
Аҡ ҡышымды йырлы һүҙ иткән дә,
Әлдә, тием, һин бар донъяла.
Миләүшә Ҡыҙрасова.
