🏠 У Гродне па вуліцы Акадэмічнай, 15, стаіць Дом Зарына, пабудаваны ў 1909 годзе. Гэты двухпавярховы атынкаваны цагляны будынак, выкананы ў стылі эклектыкі, мае сіметрычны фасад, дэкаратыўная аздоба якога сканцэнтравана на параднай частцы. Збоку да яго далучаны ўваходна-лесвіцавы аднапавярховы модуль, завершаны фігурным атыкам.
Першапачаткова гаспадыняй дома лічылася Зоф’я Зарын, хоць па іншых звестках, ён належаў судоваму абаронцу Вальтару. На пачатак 1920-х гадоў у сядзібе размяшчалася камандаванне Трэцяга дывізіёна вайсковай жандармерыі. З 1924 па 1926 гады тут жыла вядомая польская пісьменніца Зоф’я Налкоўская разам са сваім мужам Янам Гажэхоўскім. У пасляваенны час будынак змяняў свае функцыі, у розныя перыяды ў ім мясціліся інспекцыя па справах непаўналетніх, аддзел унутраных спраў райвыканкама, міжраённая інспекцыя камітэта рыбааховы, бібліятэка і ламбард.
У 1988 годзе на доме ўсталявалі мемарыяльную дошку ў гонар Зоф’і Налкоўскай з барэльефным партрэтам пісьменніцы, створаным скульптарам Уладзімірам Церабунам.
Летам 2013-га да дома дабудавалі паўтара паверха і так пазбавілі яго аўтэнтычнага выгляду 😢
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
