У студзені 1927 года ў Гродне адбыліся першыя сеансы прафесара Вольфа Месінга. Вядомы сваімі прадказаннямі, эксперыментамі з тэлепатыяй і гіпнозам, Месінг наведваў горад некалькі разоў. У адрозненне ад астролагаў, ён ладзіў калектыўныя выступы. Адзін з іх прайшоў у Гродне 18 ліпеня 1938 года. Квіток каштаваў ад 30 грошай да паўтары злотага.
З пачаткам Другой сусветнай вайны ў 1939 годзе Месінг зноў апынуўся ў Гродне, які быў заняты савецкімі войскамі. Ён трапіў сюды разам з яўрэйскімі бежанцамі, што ўцякалі ад нацыстаў з Польшчы. Паводле легенды, Месінг быў заключаны ў мясцовую турму, але здолеў загіпнатызаваць ахоўніка і пакінуць камеру.
У сваіх успамінах прарок узгадваў пра выступ у Гродне пасля таго, як горад перайшоў да Саветаў. Месінг, які ўжо добра ведаў рускую мову, але часам казаў "поўную лухту", аднойчы пасля спрэчкі ў гасцініцы выйшаў да гледачоў і звярнуўся да іх: “Панове таварышы”. Аўдыторыя ўспрыняла гэта як жарт і засмяялася, бо Гродна зусім нядаўна быў часткай Польшчы. Сам Месінг прызнаваўся, што зусім не ўмее жартаваць.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
