Глядзіце, як першапачаткова мусіў выглядаць гродзенскі Палац тэкстыльшчыкаў.
Праекціроўшчыкі выкарыстоўвалі тыпавы праект, уносячы ў яго пэўныя змены. Аднак, нават першапачатковы галоўны фасад выклікаў дыскусіі. Некаторыя лічылі, што мноства калон, масіўны карніз, порцік і скульптуры ствараюць толькі ўражанне лішняга награмаджвання. Але яшчэ больш на аздабленні фасадаў адбілася барацьба з так званымі "празмернасцямі".
У выніку колькасць дэкору на фасадзе зменшылі: адмовіліся ад гірлянд, разетак і складанай архітэктурна-скульптурнай кампазіцыі з балюстрадай над карнізам. Палац культуры адступіў ад чырвонай лініі забудовы плошчы. Існуючы галоўны фасад мае лоджыю са светлаценявой кампазіцыяй, якую ствараюць лінія калон і лінія сцяны з уваходнымі дзвярыма. Дваровы фасад вылучаецца выступаючай паўкруглай лесвіцай, аздобленай каланадай.
Галоўны фасад Палаца культуры стаў пазнавальнай дэкарацыяй, на фоне якой горад дзесяцігоддзі праводзіў і далей праводзіць дэманстрацыі, гарадскія святы, канцэрты і іншыя масавыя мерапрыемствы.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
