449 подписчиков

Ансамбль аслэсьтыз репертуарзэ интыысь фольклор материалъёс вылэ пыкиськыса лэсьтэ

1 января1 янв

1 мин

О. Н. Исаев нимо Ӟаны шоръёзо школаысь журналистъёс гожто Ӟаны школаысь «Инвожо» удмурт фольклор ансамбль кылдытэмын вал 1986-тӥ арын. Со бадӟым люкет пыртэ йӧскалык лулчеберетэз азинтонэ, ёросын но элькунын удмурт калыклэсь кылзэ, сям-йылолъёссэ, праздникъёссэ утёнэ. Ансамбль аслэсьтыз репертуарзэ интыысь фольклор материалъёс вылэ пыкиськыса лэсьтэ, коллектив огазеямын удмурт кырӟанэз утён но йӧскалык сямъёсты азинтон принципъя. Ансамбль — ёросысь но элькунысь смотр-конкурсъёсы, фестивальёсы ялан пыриськись но вормись, ёросысь чеберлыко самодеятельностья смотръёслэн, финн-угор калыкъёслэн кырӟасьёссылэн элькун смотр-конкурсъёссылэн трос пол лауреатсы, трос пол Гран-при утӥсь. Ансамбльлэн коллективез мыло-кыдо пыриське удмурт калыклэн лулчеберетэзлы сӥзем «Гырон быдтон» шулдыръяськонэ. «Мы ветви древа одного» Элькун фестивале ялан пыриське. Кемалась ӧвӧл ансамбль Якутиысь директоръёслэн семинаразы, Михаил Никифоровлэн «Гондыр эктон» книгаезлэн презентацияз выступить кариз. 14-тӥ шу

Ансамбль аслэсьтыз репертуарзэ интыысь фольклор материалъёс вылэ пыкиськыса лэсьтэ. О. Н. Исаев нимо Ӟаны шоръёзо школаысь журналистъёс гожто

Ӟаны школаысь «Инвожо» удмурт фольклор ансамбль кылдытэмын вал 1986-тӥ арын. Со бадӟым люкет пыртэ йӧскалык лулчеберетэз азинтонэ, ёросын но элькунын удмурт калыклэсь кылзэ, сям-йылолъёссэ, праздникъёссэ утёнэ. Ансамбль аслэсьтыз репертуарзэ интыысь фольклор материалъёс вылэ пыкиськыса лэсьтэ, коллектив огазеямын удмурт кырӟанэз утён но йӧскалык сямъёсты азинтон принципъя.

Ансамбль — ёросысь но элькунысь смотр-конкурсъёсы, фестивальёсы ялан пыриськись но вормись, ёросысь чеберлыко самодеятельностья смотръёслэн, финн-угор калыкъёслэн кырӟасьёссылэн элькун смотр-конкурсъёссылэн трос пол лауреатсы, трос пол Гран-при утӥсь.

Ансамбльлэн коллективез мыло-кыдо пыриське удмурт калыклэн лулчеберетэзлы сӥзем «Гырон быдтон» шулдыръяськонэ. «Мы ветви древа одного» Элькун фестивале ялан пыриське. Кемалась ӧвӧл ансамбль Якутиысь директоръёслэн семинаразы, Михаил Никифоровлэн «Гондыр эктон» книгаезлэн презентацияз выступить кариз.

14-тӥ шуркынмонысен 5-тӥ толсурозь «Сохранение, изучение и развитие государственных языков Республики Татарстан и других языков Республики Татарстан» кун программаез быдэсъян улсын нылпиослэн «Инвожо» фольклор ансамбльзы, кудӥзлэн инъетэз луиз милям школаысьтымы 5-8 классъёсын дышетскись 18 кузя пиналъёс, Татарстан Элькунысь трос йӧслыко воскресной но этнокультурной компонентэн школаосын дышетскисьёслэн элькун фестивалязы пыриськиз. 5-тӥ толсуре ансамбль, зональной этапын вормись луыса, Казань городэ гала-концертэ ӧтемын вал. Отын ансамбльысь нылъёс но пиос «Народное творчество» номинациын выль кен дорын ортчись сюан йылолэз возьматӥзы но 1-тӥ инты басьтӥзы, соослы 15 сюрс манет тыр сертификат сётӥзы. Нош пинал арганчи Арсений Михайлов «Народное творчество» номинациын арганэн удмурт крезьгуръёсты шудэменыз 2-тӥ инты басьтӥз но 10 сюрс манет тыр сертификатэн пусйиськиз.

Ансамбльлэн коллективезлы, кивалтӥсьёсызлы В. П. Камаевлы но Г. Б. Евдокимовалы азьланяз но азинсконъёс сӥзиськом.