Конкурсэ гуртъёсын но пичи каръёсын улӥсь пиналъёс но егитъёс пыриськизы

Конкурсэ гуртъёсын но пичи каръёсын улӥсь пиналъёс но егитъёс пыриськизы. О. Н. Исаев нимо Ӟаны шоръёзо школаысь журналистъёс гожто

2025- тӥ арын 26-тӥ шуркынмонэ Россиысь аграрной кун университет — Москваысь К. А. Тимирязев нимо гурт возёс академия Россия Федерациысь Гурт возёсъя министерство юрттэмен «Село. Замечательные люди моей «малой Родины» конкурсэз азинлыко йылпумъяз. Конкурсэ гуртъёсын но пичи каръёсын улӥсь 7-19 аресъем пиналъёс но егитъёс пыриськизы.

Куинь номинациосъя ужъёс возьматэмын вал: «Аграрные династии», «Герои сельскохозяйственного труда моей «малой Родины» но «Культурное и природное наследие «малой Родины».

«Село. Замечательные люди моей „малой Родины» конкурс — со огшоры вожвылъяськон гинэ ӧвӧл, со аслаз уженыз, сюлмысь тыршеменыз но ӟеч сямыныз вордскем шаерзэ азинтонэ люкетсэ пыртӥсь котькинлы мур гажан мылкыдэз возьматон. Со арлы быдэ выль нимъёсты усьтэ но асьме быдӟым шаермес азинтон понна покчи дорез яратонлэн валтӥсь кулэлыкез сярысь тодэ вайытэ», — лыдӟиськом конкурс сярысь материалъёсысь.

Очной финал азьын бадӟым заочной быръён этап ортчиз, отчы Россиысь 55 улосвылъёсысь 300-лэсь трос ӵектосъёс пыриськизы. Ужъёсты куинь арлыд группаосъя но куинь номинациосъя дунъязы: «Аграрные династии», «Герои сельскохозяйственного труда моей «малой Родины» но «Культурное и природное наследие «малой Родины». Быръён этаплэн йылпумъянъёсызъя 50 устоосыз проектъёслэн авторъёссы финалистъёс луизы но ужъёссэс Тимирязев нимо академиын конкурсной жюрилы возьматыны луонлык басьтӥзы. Тужгес усто ужъёслэн авторъёссы понна Тимирязев нимо академилэн ректорез, РАН-лэн Академикез, профессор Владимир Иванович Трухачев ватсаса 10 нимысьтыз номинация кылдытӥз. Озьы «За сохранение трудовых семейных ценностей», «За вклад в трудовое и патриотическое воспитание молодёжи», «За отражение творческого потенциала современной сельской молодёжи», «За сохранение памяти о трудовых подвигах земляков», «За вклад в развитие экотуризма» но мукет номинациосъя дипломъёсын 26 конкурсантъёс пусъемын.

Соос пӧлын школаысьтымы 11-тӥ классын дышетскисьёс Исаев Константин но Папаев Кирилл (туспуктэмын бурысен паллянэ), соос «За возрождение интереса к культуре родного края» нимысьтыз номинациен пусъемын. Пиналъёсмылэн проектъёссы юртто нравственно-патриотической мылкыдъёсты, огъёзъёсын но мӧйыосын кусып тупатыны, вордскем шаермылэсь инкуазьзэ, сям-йылолъёссэ, лулчеберетсэ но улон-вылонзэ утьыны. Соос тодмато покчи шаермылэн исторической даннойёсыныз, Россилэн политической улоназ солэн кулэлыкеныз. Юртто вордӥськем шаерез яратон, вордскем гуртмылэн но кунмылэн мерлыко ужъёсынызы тунсыкъяськон, ортчемзэ гажан мылкыдъёсты пыӵатыны.

Та пиос «Даур куара» кружоклэн ёзчиосыз луо, лыктэмъёсты вордскем шаерзылэн историеныз тодмато: Кирилл — крестьян улонлэн экспозициеныз, нош Константин — Россиысь Геройлэн О. Н. Исаевлэн улонэныз но подвигеныз.