31 снежня 1954 года ў Гродна прынялі ў эксплуатацыю новы кінатэатр, пабудаваны на вуліцы Савецкіх Пагранічнікаў. Яго ўрачыстае адкрыццё адбылося 7 студзеня 1955 года.
Глядацкая зала кінатэатра была разлічана на 260 месцаў. Сцены ўнутры былі ўпрыгожаны роспісамі паводле казак Пушкіна. Будынак з’явіўся ў цэнтры тагачаснай аднапавярховай занёманскай часткі Гродна і доўгія гады быў адзіным кінатэатрам у гэтым раёне. Хоць праект быў тыповым, будынак адсунулі ад чырвоных ліній для лепшага агляду на адным з гарадскіх скрыжаванняў.
Першапачаткова кінатэатр атрымаў назву "Пушкін". У лютым 1955 года гарвыканкам абгрунтаваў гэтае рашэнне тым, што пры праектаванні і будаўніцтве на фасадзе будынка быў прадугледжаны і выкананы барэльеф Пушкіна з адпаведнымі надпісамі і афармленнем.
Аднак назва "Пушкін" праіснавала да жніўня 1955 года. Тады рашэнне ад пятага студзеня адмянілі, і кінатэатру прысвоілі новую назву — "Нёман". Нягледзячы на гэта, да нашых часоў будынак вядомы пад сваім першапачатковым імем.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
