25 декабря Православная Церковь отмечает день памяти святителя Спиридона Тримифунтского, одного из самых почитаемых святых.
Святитель Спиридон Тримифунтский (Саламинский), чудотворец, родился в конце III века на острове Кипр. Жития св. Спиридона сообщают, что в мирской жизни он был пастухом, отличался нестяжательством и милосердием. За свою благочестивую жизнь Спиридон был рукоположен в епископы кипрского города Тримифунта и участвовал в Первом Вселенском соборе, созванном в 325 году императором Константином Великим с целью определения основных истин христианской веры. Святитель Спиридон участвовал в богословских дискуссиях с арианами, во время которых проявились его чудотворные дары. Например, знаменит рассказ о том, как он с помощью кирпича продемонстрировал единосущие Святой Троицы, разделив кирпич на огонь, воду и глину.
К святителю Спиридону в молитвах чаще всего обращаются те, кто оказался в стесненных финансовых обстоятельствах, у кого нет работы, а также те, кто не может решить насущных проблем с жильем. Ведь при жизни кипрский епископ Спиридон никому из нуждающихся не отказывал в помощи и крове над головой.
Мощи святого Спиридона в наши дни находятся в храме в столице греческого острова Корфу – Керкире. Ноги святителя обуты в бархатные башмачки, и к ним можно приложиться. Удивительно, что башмачки на ногах святого постоянно изнашиваются, и их заменяют несколько раз в год. По преданию, святитель “обходит” мир, помогая людям. Изношенные башмачки разрезают на части и как великую святыню передают верующим.
Тропарь святителю Спиридону Тримифунтскому
Собора Перваго показался еси поборник и чудотворец, Богоносе Спиридоне отче наш. Темже мертву ты во гробе возгласив и змию в злато претворил еси, и внегда пети тебе святыя молитвы, ангелы, сослужащия тебе, имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.
Молитва святителю Спиридону Тримифунтскому первая
О Великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче!
Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы.
Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость же жития твоего Ангелы невидимо в церкви поющия и сослужащия тебе имел еси.
Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и обличати неправедно живущия. Многим в скудости и недостаточестве живущим ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси.
Сице и нас не остави, святителю Христов, поминай нас, чад своих, у Престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да выну возсылаем славу и благодарение Отцу, и Сыну, и Святому Духу, ныне и присно и во веки веков.
Аминь.
Молитва святителю Спиридону Тримифунтскому вторая
О всеблаженне святителю Спиридоне, великий угодниче Христов и преславный чудотворче!
Предстояй на Небеси Престолу Божию с лики Ангел, призри милостивым оком на предстоящия зде люди и просящий сильныя твоея помощи. Умоли благоутробие Человеколюбца Бога, да не осудит нас по беззакониим нашим, но да сотворит с нами по милости Своей!
Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления!
Избави всех верою несумненною к Богу приходящих от всяких бед душевных и телесных. от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкия помощи твоея требующим вся, яже ко спасению, полезная!
Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков.
Аминь.
О преблаженне святителю Спиридоне!
Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа и Бога нашего мирное и безмятежное житие, здравие душевное и телесное.
Избави нас от всяких бед душевных и телесных, от всех томлений и диавольских наветов.
Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Святому Духу, ныне и присно и во веки веков.