«Һөҙөмтәле һәм конкурентлы иҡтисад» милли проекты сиктәрендә «Бизнесты яҡлаусы-2025» республика йәмәғәт премияһы еңеүселәрен бүләкләү тантанаһы үтте. «Бизнес өсөн бухгалтер» номинацияһында лауреаттар араһында Сибай эшҡыуары Әлфиә Фәнил ҡыҙы Килдебаева билдәләнде
Әлфиә Фәнил ҡыҙы 14 йылдан ашыу отчет иҫәбендә эшләү тәжрибәһенә эйә һәм 2021 йылдан төрлө күләмдәге компаниялар өсөн бухгалтерия һәм һалым хеҙмәттәренең тулы спектрын тәҡдим итә. Уның профессиональ кимәле профилле берләшмәләрҙә әүҙем ҡатнашыуы менән раҫлана—ул Рәсәй Һалым консультанттары палатаһында тора һәм Башҡортостан бухгалтерҙары ассоциацияһының Сибайҙағы вәкиле иҫәпләнә. Конференциялар һәм уҡытыу аша белемдәрен даими камиллаштырып, Әлфиә Килдебаева ҡануниәттә һәм һалым практикаһында көнүҙәк үҙгәрештәр индерә. Бынан тыш, ул бухгалтерҙар һәм эшҡыуарҙар өсөн бушлай семинарҙар ойоштора, уларға һалым һәм финанстар менән идара итеүҙә ҡатмарлы мәсьәләләрҙә дөрөҫ йүнәлеш
алырға ярҙам итә. «Бизнесты яҡлаусы-2025» премияһын алыу был эшлекле ҡатындың Башҡортостан Республикаһында эшҡыуарлыҡты үҫтереүгә ҙур өлөш индереүен, шулай уҡ уның юғары профессиональ кимәлен дәлилләй.
Кәримә Усманова