17 снежня 1950 года адбылася падзея, якая сёння здаецца неверагоднай: Мікіта Хрушчоў, будучы кіраўнік СССР, быў абраны дэпутатам Гродзенскага гарадскога савета. Гэтая гісторыя паўтарылася і вясной 1953 года, калі ён зноў атрымаў мандат дэпутата ад Гродна.
Паводле тагачаснай газеты «Гродзенская праўда», на выбарчым участку №9 па 56-й акрузе за кандыдата Хрушчова прагаласавалі ўсе выбаршчыкі, выказваючы такім чынам «давер і любоў да бальшавіцкай партыі». Старшыня камісіі, таварыш Рагожнікаў, з радасным хваляваннем паведаміў пра вынікі, а выбаршчыкі на многіх бюлетэнях зрабілі патрыятычныя надпісы.
Падобная рыторыка гучала і ў 1953 годзе, калі ў справаздачы мандатнай камісіі адзначалася, што «ў склад дэпутатаў абраны найбліжэйшы паплечнік і вучань таварыша Сталіна — Мікіта Сяргеевіч Хрушчоў». Асабліва паказальна, што першым кандыдатам у дэпутаты ў Гродне працоўныя вылучалі самога Іосіфа Сталіна, але пасля яго смерці гэтую ролю ўзяў на сябе Хрушчоў.
Зараз патлумачым, як такое адбылося.
Такая практыка была распаўсюджанай традыцыяй у Савецкім Саюзе. Вышэйшыя савецкія чыноўнікі вылучаліся ў мясцовыя саветы па ўсёй краіне, часам адразу ў некалькіх гарадах. Гродна, як важны памежны горад, меў асаблівае значэнне. Пасля вылучэння ў газетах публікаваліся адкрытыя лісты, дзе кіраўнікі дзякавалі працоўным калектывам за давер.
Ці ўдзельнічаў Мікіта Хрушчоў хоць раз у рэальнай працы Гродзенскага гарадскога савета дэпутатаў? Верагодна, што не. Гэтыя абранні былі хутчэй сімвалічным актам палітычнай дэманстрацыі адзінства і падтрымкі вышэйшага кіраўніцтва краіны.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
