15 снежня 1862 года ў Гродне адбылася знакавая падзея: пачала дзейнічаць першая на тэрыторыі сучаснай Беларусі чыгуначная лінія, злучыўшы горад з магістраллю Санкт-Пецярбург – Варшава. Тады ж у горадзе адкрылі драўляны будынак чыгуначнага вакзала, якім карысталіся да 1868 года.
У 1868 годзе драўляны вакзал быў заменены новым, цагляным будынкам у стылі эклектыкі. Ён складаўся з цэнтральнай двухпавярховай часткі і двух флігеляў, злучаных галерэямі. У цэнтральнай частцы размяшчаўся галоўны ўваход. На першым паверсе былі вестыбюль і касы, а на другім і ў бакавых крылах – залы чакання. Падчас Другой сусветнай вайны гэты будынак быў разбураны, але адноўлены ў перыяд з 1944 па 1948 год.
З гродзенскім вакзалам звязаны і асабістыя гісторыі. Так, беларускі пісьменнік Васіль Быкаў, калі ўпершыню прыехаў у Гродна, сваю першую ноч правёў менавіта на вакзале. Ён прызнаваўся: "Паўдня хадзіў па вуліцах, прыглядаўся, але куды зайсьці не наважыўся. Першую гарадзенскую ноч правёў на вакзале". У 1986 годзе будынак вакзала зноў быў зруйнаваны, і на яго месцы пабудавалі новы сучасны комплекс. На некаторых фотаздымках таго часу можна ўбачыць ужо новы будынак вакзала побач са старым, яшчэ не зруйнаваным.
У 2012 годзе, да 150-годдзя Беларускай чыгункі, выява гродзенскага вакзала, пабудаванага ў 60-я гады XIX стагоддзя, трапіла на рэверс юбілейных манет. Былі выпушчаны сярэбраныя манеты наміналам 10 рублёў і медна-нікелевыя наміналам 1 рубель. На манеце, на фоне будынка вакзала, быў адлюстраваны таварна-пасажырскі паравоз серыі "Г", выраблены ў Англіі ў 1860–1865 гадах для Санкт-Пецярбургска-Варшаўскай чыгункі.
Гэтыя і не толькі цікавосткі з гісторыі чыгуначнага вакзала мы распавядаем у адным з нашых відэа на YouTube: https://youtu.be/5i0XTD2_Wjk?si=lvUbrmM8ASnjG9Jd.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
