ПРОЛОГ на день (13 декабря)
Страсть святы́х му́ченик Евстра́тия, Авксе́нтия, Евге́ния, Марда́рия и Оре́ста
Стихи́:
Евстра́тия страда́льца два́жды двою́,
Ку́пно обою́ убива́ет огнь и мечь:
И́же со Евстра́тием в трина́десятый побие́ни бы́ша святи́и.
Си́и бе́яху при Диоклитиа́не и Максимиа́не царе́ма, и при Ли́сии ду́ксе лимита́нскаго чи́на держа́щему, и Агрикола́ю все́ю еп́архиею владу́щу, испе́рва же и от пра́дед чту́щеи Христа́, кры́ющежеся стра́ха ра́ди мучи́тель и гони́тель. В си́хже святы́й Евстр́атие от Аравраки́нскаго сказова́шеся ме́ста, чи́ном сый ду́кс, и в нем бя́ше старе́йшинствуя. Вжела́я же доити́ на муче́ние, и безче́стия безве́стие вмени́в, по́яс свой не́коему от слугу́ющих положи́ти повеле́ во Аравраки́нстей це́ркви, да а́ще презви́тер Авксе́нтие по́ймет его́, то по благоизволе́нию тому́ бы́ти во Христо́ве испове́дании и дерзнове́нное не́како не неча́яти, е́же страши́тися предста́ти кня́зю и христиа́на себе́ испове́дати. А́ще ли же не презви́тер Авксе́нтие, ин не́кто от церко́внаго чи́на по́имет, во Христа́ ве́ру уже́ принести́ и́мать о́тай, и ника́ко явле́ние до́йдет...
Полный церковнославянский текст (Источник: Пролог)
#Евстратий #Авксентий #Мардарий #Евгений #Орест #мученики #Пролог
