9 снежня — дзень нараджэння класіка беларускай літаратуры Максіма Багдановіча, які з’явіўся на свет у 1891 годзе. Дзіцячыя гады паэта прайшлі ў Гродне, што моцна звязала яго з горадам над Нёманам.
У 2011 годзе, да 120-годдзя з дня нараджэння Багдановіча, у Гродне планавалі ўсталяваць помнік паэту. Разглядалася месца ў парку Жылібера, каля фантана, недалёка ад дома-музея Максіма Багдановіча.
Быў абвешчаны конкурс, на які мастакі і скульптары прадставілі каля 20 ідэй. Спецыяльная камісія, у складзе якой былі спецыялісты па горадабудаўніцтве, архітэктуры і культуры, выбрала для далейшай працы скульптурную кампазіцыю «Вянок». Яе распрацаваў калектыў мінскіх мастакоў пад кіраўніцтвам Леаніда Гумілеўскага.
Аднак пасля адпраўкі на дапрацоўку, каб бюст больш арганічна ўпісваўся ў прастору з усіх бакоў, праект так і не быў рэалізаваны. У выніку помнік Максіму Багдановічу ў Гродне не быў усталяваны.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
