6 снежня 1705 года ў Гродне адбылося ўрачыстае асвячэнне езуіцкага касцёла Святога Францішка Ксаверыя, сёння вядомага як Фарны. Цырымонію правёў хэлмскі біскуп Тэадор Патоцкі, а сама падзея ўвайшла ў гісторыю дзякуючы высокім гасцям — каралю Рэчы Паспалітай Аўгусту ІІ Моцнаму і расійскаму цару Пятру І, якія ў той час праводзілі ў горадзе ваенную нараду.
Гісторык Юзаф Ядкоўскі, які даследаваў Гродна ў міжваенны перыяд, апісваў гэты візіт з маляўнічай дэталлю.
Пётр Вялікі, знаходзячыся ў Гродне з Аўгустам II, наведаў езуіцкі манастыр, захапляўся ўладкаваннем калегіума і знаходзячыся ў касцёле ўпаў на калені, калі бласлаўлялі Святымі дарамі.
Аднак у апошні час гісторыкі ставяць пад сумнеў прысутнасць Пятра І менавіта на цырымоніі асвячэння. Яны лічаць, што хоць цар і знаходзіўся ў Гродне ў той перыяд, яго ўдзел у набажэнстве, хутчэй за ўсё, з'яўляецца пазнейшай легендай, папулярызаванай тым жа Ядкоўскім.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
