6 снежня 1896 года ў Гродне нарадзіўся Восіп Любіч — мастак Парыжскай школы, які афармляў знакамітыя кабарэ на Манмартры.
Сын гродзенскага каваля, пасля гімназіі ён вывучаў жывапіс у Адэсе, ствараў дэкарацыі для тэатраў і кіно ў Берліне, а з 1923 года стаў прыкметнай фігурай на Манпарнасе ў Парыжы, працуючы ў стылі ар-дэко.
Самы драматычны эпізод у жыцці Любіча адбыўся падчас акупацыі Францыі. У 1944 годзе з-за яўрэйскага паходжання ён быў выкрыты і трапіў у лагер для інтэрнаваных Дрансі. Але нават там, маючы толькі аловак і паперу, ён працягваў маляваць. Любіч здолеў уцячы 18 жніўня 1944 года — літаральна на наступны дзень пасля таго, як з Дрансі ў Аўшвіц адправіўся апошні эшалон смерці.
Мастак памёр у 1990 годзе і пахаваны на могілках Манпарнас. Сёння яго працы захоўваюцца ў музеях Парыжа, Нью-Ёрка і Тэль-Авіва. 14 твораў Любіча знаходзяцца і ў Беларусі — у карпаратыўнай калекцыі Белгазпрамбанка.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
