6 декабрҙә Баймаҡ районының Муллаҡай ауылы мәсетендә дүрт ауыл балалары араһында "Иман нуры" конкурсы үтте.
Сарала 32 бала ҡатнашты. Шулар араһынан иң көслө тип баһаланған балалар район кимәлендә үткәрелгән конкурста көс һынашып, үҙҙәренең ғилемен иҫбатланы.
6-8 йәшкә тиклемге төркөмдә - ҡыҙҙар араһында Шаһивәлиева Мөслимә 1 -се урын яуланы.
9-12 йәшкә тиклемге төркөмдә - ҡыҙҙар араһында Шаһивәлиева Мәликә 1-се урын, Мөхәмәтшина Зөлхизә 3-сө урын алды. Мусина Мәликә Азат ҡыҙы Баймаҡ районы ҡоролтайы тарафынан маҡтау ҡағыҙы, Сыңғыҙова Асия, Мөхәмәтшина Имангөл, малайҙар араһында Халиҡов Динислам дәртләндереү бүләктәре алды.
13-16 йәшкә тиклемге балалар араһында ҡыҙҙарҙан Шаһивәлиева Азалия 1-се урын алды.
Малайҙар араһында Ишбулатов Илсав 1-се урындар алып аҡсалата бүләкләнде.
Беренсе урын алған балаларҙы алда әле тағы ҙур һынау көтә, Йылайыр район үҙәгендә, Урал аръяғы төбәге кимәлендә үтәсәк «Иман нуры» конкурсында ҡатнашасаҡ.
