У ліпені 1945 года, калі Гродна яшчэ не аправіўся ад ваенных разбурэнняў, з’явіўся незвычайны праект рэканструкцыі. Будынак былой малельнай школы «Бенахім» на вуліцы Сацыялістычнай, 35 планавалі перабудаваць пад філіял Белкамунбанка.
Нягледзячы на стан будынка — «каменныя сцены без дзвярных і аконных пераплётаў» — яго не лічылі безнадзейным, бо падчас вайны ўцалела нават 50% бляшанага даху. Паводле задумы архітэктараў, унутры мусіла з'явіцца прадстаўнічая аперацыйная зала вышынёй 6,75 метра, а кабінеты банкаўскіх служачых размяшчаліся б з боку галоўнага фасада.
Аднак гэты праект так і застаўся на паперы. Лёс будынка, пабудаванага ў 1912 годзе, склаўся інакш: у 1950-я гады ён быў перададзены абласному савету спартыўнага таварыства «Спартак», які размясціў тут спартыўную залу.
🔥 Ваш унёсак у гісторыю: Калі вам падабаецца тое, што мы робім, падтрымайце нашы даследаванні кавай. Кожны данат – гэта новы пост і захаваная гісторыя Гродна!
🫶 ДАНАТ 🫶
👀 Зазірніце ў Гродна!
📸 Больш фота і цікавых фактаў: Дадайце візуальнага Гродна ў сваю стужку! Падпішыцеся на наш Instagram
🎥 Падрабязныя відэа-гісторыі: Глядзіце дакументальныя відэаматэрыялы на YouTube
