25 лістапада 1795 года ў Гродзенскім Новым замку адбылася падзея, якая паставіла кропку ў гісторыі адной з найбуйнейшых дзяржаў Еўропы. У гэты дзень апошні манарх Рэчы Паспалітай, кароль Станіслаў Аўгуст Панятоўскі, пад прымусам Расіі падпісаў акт адрачэння ад трона.
Паражэнне паўстання Касцюшкі (1794), накіраванага супраць падзелаў краіны, стала падставай для канчатковай ліквідацыі польска-літоўскай дзяржавы. Яшчэ 24 кастрычніка 1795 года дзяржавы, якія ўдзельнічалі ў падзеле, вызначылі свае новыя межы, падзяліўшы тэрыторыі паміж Расійскай Імперыяй, Прусіяй і Аўстрыяй.
Пасля адрачэння, у 1797 годзе, дзяржавы-ўдзельніцы падзелаў заключылі «Пецярбургскую канвенцыю». Яна не толькі ўрэгулявала пытанні польскіх даўгоў і статусу былога караля, але і ўключала абавязацельства, што манархі дагаворных бакоў ніколі не будуць выкарыстоўваць у сваіх тытулах назву «Каралеўства Польскае».
📸 Калі вас цікавіць гісторыя Гродна – падпішыцеся таксама на наш Instagram
🎥 Больш гісторый пра Гродна – на YouTube
☕️ Падтрымайце наш праект фінансава і дапамажыце папулярызаваць гісторыю горада: https://www.buymeacoffee.com/hrodna1127
