60 йыл бергә йәшәү – үҙе ҙур бәхет бит ул! Ғүмер көҙөңдә лә пар ҡанатың менән булыу, балалар, ейән-ейәнсәрҙәр, бүләбүләсәрҙәр һөйөү ҡыуанысын бергәләп татыу – оло бәхет. Бүребай ауылында йәшәүсе Салауат һәм Сара Атановтар 60 йыл бергә иңгә-иң терәшеп матур донъя көтәләр. Бүребай ауылы уҙаманы Салауат Фазулла улы менән Йылайыр районы Ҡаҙырша ауылынан Сара Билал ҡыҙының мөхәббәт тарихы, ҡорған ныҡлы ғаиләһе, намыҫлы хеҙмәт юлдары уларға ҡарата тик һоҡланыу һәм ихтирам тойғоһо уята. Бала саҡтары ауыр йылдарға тура килеүенә ҡарамаҫтан, икеһе лә тырыш, кешелекле, кеселекле, изгелекле, егәрле, ҡунаҡсыл, донъяларын үҙ көстәре менән ҡороп, матур тормош юлы үтәләр, эштәрендә тырышып, ҙур яуаплылыҡ менән хеҙмәт итәләр, ихтирам яулайҙар. Сара Билал ҡыҙы 8 йәшендә генә әсәйһеҙ ҡала. Өс ҡыҙ бала менән ҡалған атайҙары бер аҙ ваҡыт үткәс, үҙе кеүек өс бала менән тол ҡалған ҡатынға өйләнә. Ғаилә ҙурая, барыһы ла дуҫ, татыу булалар, үгәй әсә лә балаларҙы ситкә типмәй, үҙенекеләй күреп үҫтерә. Сара