😍Һөйөүҙәре һүрелмәгән Кинйәбулатовтарҙың танышып-ҡауышыуҙары бик ҡыҙыҡ килеп сыға. Түбәнге Таһир ауылы ҡыҙы Рәйлә Түбә мәктәбен тамамлағас та «Һәүәнәк» совхозы фермаһына һауынсы булып килә. Буласаҡ кейәү егете лә шул уҡ фермала эшләй. Егеттең Гөлшат еңгәһе Билал бүлексәһенә өс йәш ҡыҙ эшкә килеүен белеп, улар тураһында алдан белешеп өлгөрә. Үҙенең ҡәйнешенә ҡыҙҙарҙың Рәйлә тигәнен күреп-танышырға кәңәш итә. Рәфҡәт һыйырын ҡураға индереп йөрөгән Рәйләне барып күрә. Йөрәге тулҡынланыуҙан ҡыҙға һүҙ ҡушырға ла онотоп, тиҙерәк сығырға ашыға. Яҙмышың алдан яҙыла тигәндәре хаҡтыр, Рәйлә ял алып ауылына ҡайтырға йыйынған саҡта егет уны тап итә. Кашауай санаға ултыртып, «һә» тигәнсә ауылына алып барып та еткерә, төшөрөр алдынан ғына «Был йомала киләбеҙ»,—тип әйтә лә, ҡыуанысынан атының дилбәгәһен ныҡлы тартып, ҡайтыу яғына борола. Әйтелгән ваҡытҡа Һәмән ауылынан Түбәнге Таһирға ҡыҙ һоратырға яусы килә. Буласаҡ кейәү ҡыҙҙың күршеләре булған Сәхи ҡарттың йортонда үҙ-үҙенә урын таба алмай ул