1 лістапада 1941 года акупацыйныя ўлады абвясцілі аб стварэнні ў Гродне двух гетта. Згодна з прыказам нямецкіх уладаў, перасяленне яўрэяў адбывалася ўжо на наступны дзень — 2 лістапада 1941 года — з 12 да 18 гадзіны.
Гетта №1 размяшчалася ў цэнтры горада. Яго абнеслі калючым дротам, вышыня якога дасягала двух метраў. За дротам апынулася цэнтральная частка горада, у тым ліку вуліцы Замкавая, Вялікая Траецкая, Віленская і Савецкая. Другое гетта размяшчалася ў раёне сучаснай вуліцы Антонава.
Гетта ліквідавалі вясной 1943 года. За час правядзення нямецкай палітыкі Халакоста было знішчана каля 29 тысяч гродзенскіх яўрэяў.
📸 Калі вас цікавіць гісторыя Гродна – падпішыцеся таксама на наш Instagram
🎥 Больш гісторый пра Гродна – на YouTube
☕️ Падтрымайце наш праект фінансава і дапамажыце папулярызаваць гісторыю горада: https://www.buymeacoffee.com/hrodna1127
