24 подписчика

ИСЕМДӘРҘӘ-ҠОРОЛТАЙ ТАУЫШЫ

28 октября 202528 окт 2025

2 мин

ИСЕМДӘРҘӘ-ҠОРОЛТАЙ ТАУЫШЫ Милләтебеҙ яҙмышын шәхестәр хәл итә. 1990 – сы йылдарҙа Сибай ҡалаһы башҡорттары ғайәт ҙур ойошҡанлыҡ, рухи көс һәм ҡыйыулыҡ күрһәтте. Был эштең башында сәйәси өлгөргәнлек кимәленә күтәрелгән бер төркөм зыялылар торҙо. Улар: Х. Н. Хәмитов, Р. И. Үтәғолов, З. Ғ. Йәрмөхәмәтов, С. С. Өмөтбаева, Р. Я. Абдулғафаров, Т.Ф. Ғәйнуллина, Ғ. М. Бүләкова, С. И. Йәнтүрин, В. И. Хажин, А.Б. Зарипов, Ф.М.Сөләймәнов һ. б. Ҡалала тәүҙә “Ирәндек”, аҙаҡ “Сибай” халыҡ үҙәге барлыҡҡа килде. Артабан, 1995 йылда, ҡала башҡорттары ҡоролтайы рәсми рәүештә ойошторолдо һәм теркәлде. Сибай ҡалаһы башҡорттары ҡоролтайы башҡарма комитеты рәйесе итеп Х. Н. Хәмитов һайланды. Шундай көсөргәнешле йылдар булды ул. Шуны әйтергә теләйем, бер – береһенә оҡшамаған ижтимағи – сәйәси процестар шаулап барҙы. Тағы ла шуныһы мөһим: һәр яңылыҡтың эсенә үтеп инә белдек: милләткә, шәхескә, хәл - ваҡиғаларға ҡағылышлы һорауҙарға яуап бирә барҙыҡ. Тап ошо йылдар арауығында: “Ағинәйҙәр ҡоро”,”Аҡһаҡалдар ҡоро

Милләтебеҙ яҙмышын шәхестәр хәл итә.

1990 – сы йылдарҙа Сибай ҡалаһы башҡорттары ғайәт ҙур ойошҡанлыҡ, рухи көс һәм ҡыйыулыҡ күрһәтте. Был эштең башында сәйәси өлгөргәнлек кимәленә күтәрелгән бер төркөм зыялылар торҙо.

Улар: Х. Н. Хәмитов, Р. И. Үтәғолов, З. Ғ. Йәрмөхәмәтов, С. С. Өмөтбаева, Р. Я. Абдулғафаров, Т.Ф. Ғәйнуллина, Ғ. М. Бүләкова,

С. И. Йәнтүрин, В. И. Хажин, А.Б. Зарипов, Ф.М.Сөләймәнов һ. б.

Ҡалала тәүҙә “Ирәндек”, аҙаҡ “Сибай” халыҡ үҙәге барлыҡҡа килде. Артабан, 1995 йылда, ҡала башҡорттары ҡоролтайы рәсми рәүештә ойошторолдо һәм теркәлде.

Сибай ҡалаһы башҡорттары ҡоролтайы башҡарма комитеты рәйесе итеп Х. Н. Хәмитов һайланды. Шундай көсөргәнешле йылдар булды ул. Шуны әйтергә теләйем, бер – береһенә оҡшамаған ижтимағи – сәйәси процестар шаулап барҙы.

Тағы ла шуныһы мөһим: һәр яңылыҡтың эсенә үтеп инә белдек: милләткә, шәхескә, хәл - ваҡиғаларға ҡағылышлы һорауҙарға яуап бирә барҙыҡ. Тап ошо йылдар арауығында: “Ағинәйҙәр ҡоро”,”Аҡһаҡалдар ҡоро”, “Атайҙар ҡоро” үҙ – ара фекер алышты, бәхәскә инде.

Бигерәк тә 1 - 2 июнь 1995 йылда уҙған Беренсе Бөтә донъя башҡорттары ҡоролтайы милләтебеҙҙең бер бөтөн булып йәшәүен донъя кимәленә алып сыҡты.

Ошо мөһим процестан һуң, ҡала ҡоролтайының эше күпкә йәнләнеп китте. Мәҫәлән, башҡорт телен дәүләт теле булараҡ өйрәнеү, үҙ – ара мәҙәниәтте байытыу буйынса ике теллелек һәм башҡа сит телдәрҙе өйрәнеү ҡаланың һәр уҡыу йортонда класс сәғәттәре, асыҡ дәрестәрҙә, түңәрәк өҫтәлдәрҙә асыҡтан – асыҡ һөйләшеү рәүешендә дауам итте.

Ошо йүнәлештә Сибайҙың балалар баҡсалары: “Ҡарһылыу”- етәксеһе Алһыу Хәйбулла ҡыҙы Ғәлиуллина, “Айгөл”- етәксеһе Флюра Заһит ҡыҙы Назарғолова, “Ҡояшҡай”- етәксеһе Зәүрә Фатҡуллина – рус балалары ла башҡорт телен ихлас өйрәнә башланылар, - тип яҙмаларында хәтирәләр менән бүлешеп Таңһылыу Фәтих ҡыҙы Ғәйнуллина, ҡала ҡоролтайының актив шәхестәренең береһе!

Әйткәндәй, Бөтә донъя башҡорттары инициативаһы менән йәмәғәт ойошмаһының ойошторолоуына 30-йыл тулыуға айҡанлы, китап өҫтөндә эш башланы һәм юбилей баҫмаһы декабрь айында донъя күрәсәк.

Хөрмәтле Таңһылыу Фәтих ҡыҙының Тансылу Гайнуллина "Исемдәрҙә - ҡоролтай тауышы" исемле мәҡәләһе лә баҫмала урын аласаҡ.

#Ҡоролтайтарихынан исемле рубрика асып, ҡала йәмәғәт ойошмаһының тарихын байҡап, хәтирәләрҙе яңыртып, эшмәкәрлекте барлап, 1990-2000-се йылдарҙағы фотолар архивығыҙҙа булһа, уртаҡлашайыҡ, дуҫтар!

Сибай башҡорттары ҡоролтайы рәйесе Альбина Ярмуллина