15 нче октябрь көнне Балтач районы Субаш төп гомуми белем мәктәбендә «Татар әдәбияты дәресләрендә һәм дәрестән тыш эшчәнлектә укучыларның

15 нче октябрь көнне Балтач районы Субаш төп гомуми белем мәктәбендә «Татар әдәбияты дәресләрендә һәм дәрестән тыш эшчәнлектә укучыларның танып-белү эшчәнлеген оештыру һәм үстерү» темасына район семинары узды. Чарада район мәктәпләренеӊ татар теле һәм әдәбияты укытучылары катнашты.

Семинар мәктәп музеена экскурсия белән башланып китте, тарих һәм җәмгыять белеме укытучысы Николаев И. И., технология укытучысы Фаязов Л. Ә. музейдагы экспонатлар, туган як тарихын өйрәнү буенча мәктәптә алып барыла торган эшчәнлек белән таныштырдылар. Субаш мәктәбенеӊ татар теле һәм әдәбияты укытучылары Г. Ф. Васильева, Р. М. Галиева ачык дәресләр күрсәттеләр. Васильева Г. Ф., Гафурҗанова З. Г. җитәкчелегендә «Йола һәм биремнәр. Халык бәйрәме-Нәүрүз» темасына проект эшчәнлеге күрсәтелде.

Шулай ук семинарда катнашучылар игътибарына тирән эчтәлекле «Батырлар даны мәңгелек» дип аталган патриотик чара тәкъдим ителде (оештыручылар Галиева Р. М., Камалиева Р. Р.).

Түгәрәк өстәлдә дәрес һәм чараларга анализ ясап, татар теле һәм әдәбияты укытучыларының район методик берләшмә җитәкчесе Л. М. Нәкыйпова, мәгариф идарәсе методисты Ф. Т. Сабирова фикер, тәкъдимнәрен җиткерделәр.