14 кастрычніка праваслаўныя вернікі святкуюць Пакроў Прасвятой Багародзіцы.
У кастрычніку 2010 года, роўна 15 гадоў таму, у Гродне побач з кафедральным саборам усталявалі і асвяцілі скульптуру з аднайменнай назвай.
Аўтар кампазіцыі - гродзенскі скульптар Уладзімір Панцялееў. Ён сам ініцыяваў з’яўленне гэтага твора прыкладна за 1,5 года да яго ўстаноўкі. Вобраз і месца для скульптуры Панцялееў выбіраў разам са святарамі.
Скульптура вылітая з бронзы і мае вышыню тры метры. Агульная вышыня кампазіцыі разам з манументам з граніту складае 4,2 метра. Манумент узводзіўся ў асноўным на сродкі праваслаўных мецэнатаў.
Асвячэнне скульптуры было прымеркаванае не толькі да рэлігійнага свята Пакрова, але і да 110-х угодкаў утварэння Гродзенскай епархіі.
З гэтай нагоды мы падрыхтавалі для вас некалькі фотаздымкаў, на якіх зафіксаваны працэс усталёўкі скульптуры.
📸 Калі вас цікавіць гісторыя Гродна – падпішыцеся таксама на наш Instagram
🎥 Больш гісторый пра Гродна – на YouTube
☕️ Падтрымайце наш праект фінансава і дапамажыце папулярызаваць гісторыю горада: https://www.buymeacoffee.com/hrodna1127
