Өндәшмәүең - алтын тиһәләр ҙә Өндәшеүең миңә мең алтын. Сабыр булдым артыҡ. Күндәм булдым. Нисек булһам да мин - юғалттым. Юғалтҡандан һабаҡ ала белдем. Юғалтҡандан таптым артығын. Айырырға тик өйрәндем микән Ихлас килгән менән һатлығын? Яндырай ҙа ғына тойолһам да, Ташламаны мине һаҡлығым. Һыуығын да өрөп ҡабыу - йәндә. Аҡтың татып ҡарау аҡлығын. Ҡараның тик ҡаралығы шикһеҙ, Аҡты ҡара менән бутамам. Өндәшмәүең мине утҡа һала, Өндәшмәһәң мин мең уфтанам. Өндәшмәүең - алтын, тиһәләр ҙә Һүҙ күпер ул. Диуар төҙөмә. Рәхмәт әйтәм өмөт нурын һипкән Салт ҡояшлы сыуаҡ көҙөмә. Гөлназ Ҡотоева
Өндәшмәүең - алтын тиһәләр ҙә
Өндәшеүең миңә мең алтын.
Сабыр булдым артыҡ.
Күндәм булдым.
Нисек булһам да мин - юғалттым.
Юғалтҡандан һабаҡ ала белдем.
Юғалтҡандан таптым артығын.
Айырырға тик өйрәндем микән
Ихлас килгән менән һатлығын?
Яндырай ҙа ғына тойолһам да,
Ташламаны мине һаҡлығым.
Һыуығын да өрөп ҡабыу - йәндә.
Аҡтың татып ҡарау аҡлығын.
Ҡараның тик ҡаралығы шикһеҙ,
Аҡты ҡара менән бутамам.
Өндәшмәүең мине утҡа һала,
Өндәшмәһәң мин мең уфтанам.
Өндәшмәүең - алтын, тиһәләр ҙә
Һүҙ күпер ул.
Диуар төҙөмә.
Рәхмәт әйтәм өмөт нурын һипкән
Салт ҡояшлы сыуаҡ көҙөмә.
Гөлназ Ҡотоева
