Колледжда уҡытыу хаҡының 50 проценты ҡаплана Башҡортостанда күп балалы ғаиләләр балаларын колледжда уҡытыу өсөн сығымдарҙың бер өлөшөн ҡайтара ала. Хәҙер дәүләт хеҙмәттәре порталы ярҙамында ла ошо ташламаны алырға була. Һанлы үҫеш министры Геннадий Разумикин белдереүенсә, социаль әһәмиәтле хеҙмәттәрҙе электрон тәртипкә күсереү ведомство эшмәкәрлегенең мөһим йүнәлеше. Компенсация суммаһы уҡыу өсөн түләүҙең 50 процентына тиң. Ғаризалар декабрь аҙағына тиклем ҡабул ителә.