📚 195 год першай публічнай бібліятэцы Гродна
Сучасная Гродзенская абласная бібліятэка імя Яўхіма Карскага — найстарэйшая публічная бібліятэка Беларусі.
Інфармацыю падглядзелі ў Telegram-канале @Hrodna 11:27.
🧐 15 верасня 1830 года ў Гродне адкрылася першая публічная бібліятэка. Яе першым бібліятэкарам стаў Міхаіл Зеленка. Доступ да фонду мелі менш за сотню чалавек з вышэйшых слаёў насельніцтва — чыноўнікі, дваране, памешчыкі. Асноўная калекцыя складалася з ахвяраваных кніг і афіцыйных перыядычных выданняў.
🪙 У 1859 годзе грамадзянскі губернатар Іван Шпеер прапанаваў гарадскім служачым адлічваць на ўтрыманне бібліятэкі 1% месячнага заробку. За гэта яны маглі карыстацца літаратурай бясплатна, а на сабраныя грошы бібліятэка папаўняла фонд і выпісвала перыёдыку.
📖 Чытальная зала з’явілася толькі ў 1886 годзе. Гадавыя члены бібліятэкі ўносілі ўнёскі і мелі поўны доступ, астатнія маглі наведваць яе штодзень з 14:00 да 16:00. У іншы час патрэбна было заплаціць 2 капейкі.
📖Некаторы час бібліятэкай кіраваў бацька паэта Максіма Багдановіча — Адам. Пад яго кіраўніцтвам быў складзены каталог фонду, які выдаўся асобнай брашурай пад назвай «Каталог рускім і замежным кнігам Гродзенскай гарадской публічнай бібліятэкі па аддзелам».
📍 Сёння Гродзенская абласная бібліятэка працуе ў былым будынку банка на вуліцы Карбышава.
