Большасць гродзенцаў ведае будынак на вуліцы Чырвонаармейскай, 3, як салон сувязі. Аднак гэтая пабудова 1926 года мае значна больш багатую гісторыю.
У міжваенны перыяд тут размяшчалася санітарная станцыя (Stacja sanitarna), якая абслугоўвала стары Скідзельскі рынак, што знаходзіўся побач. Пазней, у савецкі час, будынак выкарыстоўвалі як зубапратэзную майстэрню.
Асабліва цікавым быў перыяд 1980-х гадоў, калі тут адкрылі відэасалон. Гэта была характэрная з'ява для тых часоў: замест паходаў у кінатэатр людзі збіраліся ў невялікіх памяшканнях, каб паглядзець заходнія фільмы з відэакасет VHS на звычайным тэлевізары.
На жаль, арыгінальная пабудова 1926 года не захавалася. У 2005 годзе будынак быў “рэканструяваны” кампаніяй МТС, што прывяло да страты яго гістарычнага аблічча.
📸 Калі вас цікавіць гісторыя Гродна – падпішыцеся таксама на наш Instagram
🎥 Больш гісторый пра Гродна – на YouTube
☕️ Падтрымайце наш праект фінансава і дапамажыце папулярызаваць гісторыю горада: https://www.buymeacoffee.com/hrodna1127
