Ҡыяр- мыяр, салат- малат ябышып ятаһығыҙмы😁 Тоже шулай көн үтә

Ҡыяр- мыяр, салат- малат ябышып ятаһығыҙмы😁 Тоже шулай көн үтә. Ҡыярҙар ярышҡа сыҡҡан кеүек ай үҫәһен көн үҫә😁Быйыл Миңзифа бикәмем бер рецепт өйрәткәйне, еп- еңел генә, тиҙ генә, үҙе малосолёный була, тип. Шуның буйынса тоҙланым ҡыярҙарҙы. Уже икәүһен асып ашаныҡ😂 Балаларға ла, үҙебеҙгә лә оҡшаны. Кемгә нисек инде, һәр кем үҙе өйрәнгәне буйынса эшләй. Былай мин ялҡауға килеште😁Бер сәғәт эсендә 8,9 банка тоҙлай ҙа ҡуяһың👍😁 Уның араһына кишер, помидор, кабачки ла тыҡҡысланым. Матус ҡына булдылар😁

Хәҙер һеҙгә лә яҙам, ҡыш көнө тик ятҡансы тоҙло ҡыяр сәйнәп ятырбыҙ 😂. Ул еще яп-ялтыр көйө генә һаҡлана, буҙармай ҙа, ағармай ҙа, атылмай ҙа😁

🥒🥒🥒

Ҡыярҙарҙы матур итеп йыуып, ике яҡ осон ҡырҡып, 1-2 сәғәткә һалҡын һыуға ултыртып торабыҙ. Шунан табаҡҡа или кәстрүлгә, ҡайҙа һеҙгә уңайлы, 2-3 шешә 9% уксус ҡоябыҙ. Шуны плитаға ултыртабыҙ, йылымыс булғас, ҡыярҙарҙы шунда һалабыҙ. Әйләндереп- әйләндереп торабыҙ, төҫтәре үҙгәргәнсе генә һалабыҙ ҙа кире алабыҙ.

Стерилләнгән банка төбөнә укроп, чеснок һалабыҙ (мөмкин ҡарағат-марағат япраҡтары, нимә яратаһығыҙ шуны тоже һалырға) ҡыярҙарҙы тултырабыҙ. Һыймаһа, ҡырҡҡылап мөмкин һалырға. Әгәр помидор, кишер, кабачки һалабыҙ тиһәгеҙ, тоже саҡ ҡына теге уксуста тотоп алырға кәрәк. Банка ҡыяр менән тулғас, 1 аш ҡалағы тоҙ, 2 аш ҡалағы шәкәр һалабыҙ ҙа өҫтөнә таҙа ҡайнар һыу ҡоябыҙ и псё! Стерилләнгән тимер крышка мн яба ла ҡуябыҙ. Был сама өс литрлы банкаларға иҫәпләнгән. Литр ярымлыҡ банкаға 1 сәй ҡалағы өймәләм тоҙ, 2 сәй ҡалағы өймәләм шәкәр һалдым.

Ә теге табаҡтағы уксусты кире һауыттарына ҡойоп алабыҙ, артабан ҡулланырға мөмкин.

Мин шулайтып эшләнем. Оҡшаны. Мыртылдап ҡына тора, малосолёный ғына😁🥒 Имен- һау ашарға насип булһын, ризыҡҡа яҙһын, амин🤲

🖊️Зөлфирә Таһирова