⚡Стәрлетамаҡтың «Каустик» предприятиеһының бер эшсеһе бөгөн иртән Өфө дауаханаһында йән биргән
Ул үпкәне яһалма елләтеү аппаратына тоташтырылған булған. Башҡортостан премьер-министры Андрей Назаров хөкүмәттең оператив кәңәшмәһендә күңелһеҙ хәбәр еткерҙе.
«Республика халҡы исеменән уның туғандарының һәм яҡындарының ҡайғыһын уртаҡлашабыҙ», — тине Назаров.
Дәүләт хеҙмәт инспекцияһы мәғлүмәттәре буйынса, ир контроль-үлсәү приборҙарын һәм автоматиканы ремонтлау мастер булып эшләгән. Уға 30 йәш булған.
Зыян күреүселәрҙең күбеһе — Өфөнөң «Глобал-Строй» йәмғиәте белгестәре, улар ҡорамалдарҙы капиталь ремонт эштәренә әҙерләгән.
Хәтерегеҙгә төшөрәбеҙ, ғәҙәттән тыш хәл 9 августа теркәлгән. Йәмғеһе 41 кеше зыян күргән. Был хәлде махсус комиссия тикшерә.
