💥 Уҡытыусылар бушлай шифаханала ял итә ала
Республика уҡытыусылары шифаханаларҙа республика иҫәбенә ял итә ала. Башҡортостан Башлығы Радий Хәбировтың указы буйынса, дәүләт һәм муниципаль учреждениеларҙың педагогия хеҙмәткәрҙәре хәҙер өс йылға бер тапҡыр төбәк шифаханаларында ял итеү өсөн 56 000 һумлыҡ сертификат ала аласаҡ.
Алыу шарттары:
✅ Ағымдағы белем биреү учреждениеһында кәм тигәндә өс йыл эшләү;
✅ Мәғариф өлкәһендә дөйөм стаж - 10 йылдан кәм түгел;
Сертификатты үҙ белем биреү ойошмалары аша рәсмиләштерергә мөмкин. Бүлеү менән Мәғарифты үҫтереү институты шөғөлләнә, ә юлламалар өсөн БР Мәғариф министрлығы яуаплы.
❗Хәтерегеҙгә төшөрәбеҙ, был башланғысты төбәк Башлығы 2024 йылда Стәрлетамаҡта үткән «август кәңәшмәһендә» белдерҙе. Хәҙер ул ысынбарлыҡҡа әйләнде.
