Алғаҙы ауылына 300 йыл тулды! Түңгәүерҙең ошо матур ауылының энергетикаһын аңлатып биреү мөмкин түгел ул! Урманы байыраҡ, тауҙары серлерәк, һыуы татлыраҡ һымаҡ , һауаһы ҡалаҡ менән икмәккә ҡушып ашамалы инде. Тыуған ер, кендек ҡаным тамған урын бит ул! Байтаҡ матур ерҙәр күреп, үҙем булған ике сит ил- Франция һәм мосолман диненең бишеге Сәғүд Ғәрәбстаны- менән сағыштырғанда ла Алғаҙым минең өсөн күпкә юғарыраҡ, матурыраҡ һәм байыраҡ. Йәшәү өсөн бөтөн нәмәһе лә бар. Иң мөһиме- бында иркенлек, хозурлыҡ, байманлыҡ. Ошо бәхетебеҙҙән айырмаһын! Ауылдың 300 йыллыҡ йыйынын үткәреү өсөн иҫ китмәле матур урын һайланған ине. Бар аралар ҙа үҙҙәренең тирмәләрен ҡорҙо. биҙәне, ҡаҙан аҫты, самауыр шыжлатты, усаҡ ләүкетте. Ул тирмәләрҙәге байлыҡ! 11 тирмәнең һәр береһен, ундағы байлыҡты ҡарап, бөтөн класташ, туған, ҡәрҙәш менән күрешеп өлгөрөрлөк түгел ине. Урмановтар тирмәһенә ағалы-ҡустылы бер туған Вәлиулла, Ғәлимйән, Сәйфулланың вариҫтары йыйылды. Алғаҙымдың ҡотон һаҡлап, бәрәкәтен арттырып, тыу