Лилия Әскаровадан бик тәмле ассорти рецепты. Банкаларны юып, төбенә укроп зонтигы, петрушка, лавр яфрагы, кара борыч, гвоздика, ярты суган телемләп, сарымсак 1 бүлемтек, баллы борыч турап, кыярны бик вак итмичә (бармак калынлыгы), помидор катыракларын кискәләп банканы тутырасыз. Барысы да күңелегезгә ничек ошый, шулай тутырыгыз. Граммлап үлчәмәдем.
Аерым кәстрүлдә маринад ясыйбыз. Аның өчен 2 литр су салабыз, шуңа 3 аш калагы тоз, 200 гр шикәр комы, кайнап чыккач, 150 гр 9 процентлы уксус салып, әзер маринадны яшелчә тутырылган банкаларга агызып чыгабыз. Капкачларны өстенә генә куеп, водяной баняда 5 мин куеп алабыз. Водяная баня ул — кәстрүлгә су салып, төбенә салфетка җәеп, шунда банкаларны тезеп, стерилләштерү.
5 мин үткәч, банкаларны алып, ябып, каплап куябыз одеял белән. Суынгач, саклый торган җиргә куясыз.
