"Алма бөреле алма бөреле, Алма чәчәге төрле... Аллаһ саклап, яклап йөртсен Газиз уллар гел сезне... Кичә кич авыл өстенә гармун моңы таралды... Күптән, бик күптән болай булганы юк иде... Егетләр! Җырлап урам әйләнәләр! Рәмисне озату кичәсе! Иске гадәтне яңартканнар! Рәмиснең кулында кульяулык! Йөрәк сикерде, күзләр яшьләнде, теләкләр теләнде... Рәхмәт, егетләр- кызлар! Күңелләрне кузгаттыгыз... Ә булачак солдатка хәерле хезмәт юлы телибез. Исән- имин бурычын үтәп туган якларга сөенеп кайтырга, дуслары белән тагын шулай җырлап әйләнергә насыйп булсын!", дип хәбәр итә Көшкәтбаш авылыннан үзхәбәрчебез Лилия Гарифуллина.