У ліпені 1924 года ў Гродне заклалі краевугольны камень пад будаўніцтва афіцэрскай калоніі на вуліцы Грандзіцкай (цяпер — Горкага).
Цікава, што асновай для новых дамоў сталі рэшткі разбураных фартоў.
Ідэя такой забудовы ўзнікла з-за дэфіцыту жылля і жадання згуртаваць афіцэраў. Было створана кааператыўнае таварыства, якое атрымала афіцыйны дазвол ад прэзідэнта Польшчы Станіслава Вайцяхоўскага. Зямлю выдзеліў князь Друцкі-Любецкі, праект распрацаваў архітэктар Выганоўскі, а будаўніцтва вёў інжынер Штольцман.
У выніку паўстала забудова ў трохкутніку сучасных вуліц Астроўскага, Горкага і Славацкага. Да нашых дзён захаваліся толькі два дамы: Астроўскага 4А і Горкага 47А. Дарэчы, у першым жыў вядомы польскі алімпіец Вітальд Герута, а другі ў савецкі час стаў сакрэтным гатэлем для замежных дэлегацый — з Мазамбіка, Анголы і Нікарагуа.
Сам кааператыў хутка збанкрутаваў. Будаўніцтва спынілася на трох дамах. Замест афіцэрскай калоніі з’явілася «Паштовая калонія» (бо там пасяліліся супрацоўнікі пошты).
📸 Калі вас цікавіць гісторыя Гродна – падпішыцеся таксама на наш Instagram
🎥 Больш гісторый пра Гродна – на YouTube
☕️ Падтрымайце наш праект фінансава і дапамажыце папулярызаваць гісторыю горада: https://www.buymeacoffee.com/hrodna1127
