Бик тәмле кыстыбый. (Фәтхулова Г.)
Камыр өчен:
- 0,5л. каймак(кибет сметанасы да ярый);
- 2 йомырка;
- тоз;
- 30 - 40гр. үсемлек мае;
Он. Онны акрынлап кушабыз.
Эчлек өчен: төелгән бәрәңге, йә булмаса пешкән тары ярмасы(боткасы). Яраткан кешегә бәрәңгене төеп бетергәндә кызган суган салырга була.
Әзер кыстыбыйны майлар өчен эретелгән атланмай.
Кыстыбый пешергәндә миннән берничә киңәш:
- камырны баскач ял иттерү мөһим;
- эчлек өчен бәрәңгене төйгәндә кайнар сөт салсаң, бәрәңге каралмый;
- әгәр дә ашказаныгызга кызган ризыклар ярамый икән, бу очракта суганны атланмай белән кыздырмаска, ә сөт белән кайнатырга була;
- әзер кыстыбыйның өстен эреткән май белән майлап, табага тезеп, каплап 10 - 15 минутка мичкә куеп алсаң, ул үзе бер төрле тәмле була.
