Ростехтың производство-уҡыу үҙәге Өфө моторҙар эшләү производство берекмәһе базаһында талап ителгән эшсе һөнәрҙәргә бушлай уҡытыу тәҡдим итә.
Был үҙәк Рәсәйҙә Авиадвигателдәр эшләү производствоһы өсөн кадрҙар әҙерләүгә махсуслашҡан Ростех дәүләт корпорацияһының беренсе майҙансығы булып тора. Производство-уҡыу үҙәге 200-ҙән ашыу берәмек заманса ҡорамалдар менән йыһазландырылған, шул иҫәптән етештереү участкалары, лабораториялар һәм уҡыу аудиториялары бар.
Программала, эш тәжрибәһе булыуға ҡарамаҫтан, 18 йәше тулған һәр кем ҡатнаша ала. Колледждарҙы, техникумдарҙы, юғары уҡыу йорттарын тамамлаусылар, РФ Ҡораллы Көстәре сафынан запасҡа киткән кешеләр, шулай уҡ 11 класты тамамлаусылар ҡабул ителә.
Уҡыусыларҙы бушлай уҡытыу, 48 000 һум күләмендә айлыҡ стипендия, ташламалы ҡайнар аш, махсус кейем һәм шәхси һаҡланыу саралары биреү, РФ Ҡораллы Көстәренән запасҡа сыҡҡандар өсөн аҡсалата "дәртләндереү", сит ҡалаларҙан килгәндәр өсөн торлаҡ менән ярҙам итеү көтә.
Башлап үҙләштерә алған һөнәрҙәр: программа менән идара ителгән станоктар операторы, программа менән идара ителгән станоктар көйләүсе, токарь, фрезерлаусы, быраулаусы, шлифовкалаусы, станок һәм слесарь эштәре контролеры.
Уҡыу ваҡыты 2 йыл. Тулыраҡ мәғлүмәт алыу өсөн телефон аша мөрәжәғәт итегеҙ: 8(347) 239-56-95, 8 (347) 238-65-72.