Үбеп кенә мине уят бөгөн

Үбеп кенә мине уят бөгөн…

Үбеп кенә мине уят бөгөн!

Көн башланһын һинең һөйөүҙән,

Былай ҙа бит ғүмер ҡыҫҡартабыҙ

Юҡ-бар өсөн янып-көйөүҙән.

Юҡ, ҡәһүә тотоп түшәгемә

Килмә, бары йылмай яратып,

Тыуыр көнгә өмөт, дәрт уятып,

Шиктәр-шөбһәләрҙе таратып.

Уят мине бөгөн үбеп кенә!

Иртәгә лә. Унан һуңға ла…

Һинең бәхет – минең ҡулда бит һуң,

Минең бәхетем һиндә булһа ла!

Фирүзә Абдуллина.