Еңеү Көнө алдынан Ғафури районында "Ватанды Һаҡлаусылар" фонды филиалы хеҙмәткәрҙәре һәм тәрбиәләнеүселәре 120 йүкә, миләш һәм декоратив ҡыуаҡтар ултыртты. Красноусол ауылындағы "Юность" мәҙәниәт һәм ял паркында "Хәтер баҡсаһы" халыҡ-ара акцияһы сиктәрендә МХО геройҙары иҫтәлеге аллеяһына нигеҙ һалынды.
Сарала һәм уны әҙерләүҙә "Ватанды һаҡлаусылар" фонды филиалының социаль координаторҙары Рәмзиә Юлмөхәмәтова һәм Рәмзиә Хисаметдинова, шулай уҡ махсус хәрби операцияла һәләк булған яугирҙәрҙең ғаилә ағзалары ҡатнашты.
Аллеяның нигеҙен алдан әҙерләнеләр: концепция һәм дизайн-проект эшләнде, ултыртыу урыны һәм схемаһы билдәләнде. Үҫентеләр өсөн соҡорҙарҙы МХО-ла ҡатнашыусыларҙың ғаиләләре эшләне. Был аллея патриотик саралар үткәреү урыны буласаҡ тип күҙаллана.
9 майҙа "Ярҙам яҡында" МХО-ла ҡатнашыусыларҙың ғаиләләренә ярҙам итеү үҙәге алдындағы майҙансыҡта "Һалдат бутҡаһы" акцияһы үтте.
"Ватанды һаҡлаусылар" фонды филиалының социаль координаторы Рәмзиә Юлмөхәмәтова һүҙҙәренсә, бындай саралар һәләк булғандарҙың ғаилә ағзаларына берләшергә ярҙам итә, ышаныс һәм ярҙам тойғоһо бирә, власҡа ышаныс тыуҙыра.
– Эшебеҙҙең башында уҡ ғаиләләрҙе, уларҙың характерҙарын, сараларға йәлеп ителеүен өйрәндек. Беҙ бөтә нәмәлә лә ярҙам итеүсе рәсми булмаған төркөм булдырҙыҡ. Апрелдә клуб, әсәләр, ҡатын-ҡыҙҙар, атайҙар советтары барлыҡҡа килә. Беҙ, социаль координаторҙар, "МХО ғаиләләренә ярҙам үҙәге. Ярҙам яҡында" проекты менән Башҡортостан Башлығының грант конкурсында ҡатнаштыҡ. Был проектты тормошҡа ашырыу сиктәрендә психолог, юрист консультациялары, "Үҙ ғаилә ҡунаҡханаһы" форматында осрашыуҙар үткәрелде, был берләшеүгә, ышаныслы мөнәсәбәттәр булдырыуға ярҙам итте, – тип аңлатты Рәмзиә Юлмөхәмәтова.
Галина Морозова.
Фото: "Ватанды һаҡлаусылар" фондының Башҡортостандағы филиалы.