Екінші дүниежүзілік соғыстан кейін италияндықтар түсірген "Рим - еркін қала", "Зәйтүн ағашы түбінде тыныштық жоқ" және "Велосипед ұрлаушылар" туралы кинотуындылар бір ұрпақ италияндықтар басынан кешірген оқиғалар желісімен түсірген фильмдер. Иә, бұл кинотуындыларда айтылатын оқиғалар сол кезеңдегі бар италияндықтардың басынан кешкен қиыншылықтарды қамтиды. Кейде, осы кинотуындыларды көре отырып, бір фильмнің 1,2,3 сериясын көріп шыққандай боласың. Соғыс тауқыметі ұқсас. Бірақ персонаждары мен оқиғалардың өрбіген жері бөлек.
"Рим - еркін қала" фильмінде фашизмге қарсы қозғалыс әрекеті баяндалса - "Зәйтүн ағашы түбінде тыныштық жоқ" кинотуындысында концлагерь тауқыметін көріп, туған жеріне жетіп отбасының тыныштығы үшін күресті қайта бастайтын азаматтың тағдыры баяндалады. "Зәйтүн ағашы түбінде тыныштық жоқ" фильмінің бас кейіпкері қару асынып әділдікті орнатып, отбасының кегін қайтарамын десе де заңсыз әрекетке бармай, әділдікке қолжеткізеді.
Ал "Велосипед ұрлаушылар" кинотуындысының оқиғасы қалада өрбиді. Киноның бас кейіпкері Антони Риччидің соғыстан кейіңгі бейбіт өмірге оралуы баяндалады.
Фильмді 1948 жылы Италияндық Витторио Сико түсірген. Фильмді түсіруге жазушы Луиджи Бартолинидің шығармасындағы оқиға себепкер болған.
Фильм 1950 жылы КСРО-да көрсетілген.
Фильмде бас кейіпкер соғыстан кейін отбасын асырау үшін жұмыс таба алмай әрең дегенде жарнама жапсырушы болып орналасады. Бірақ жарнама жапсырып жүргенде - көлігі велосипедті ұрлап кетеді. Велосипедін баласымен бірге іздеуге шығып, қаланың тіршілігінде бай мен кедейдің өміріне тәнті болады. Велосипедті таптым-ау деген кезде ол біреудікі болып шығады. Баласының аянышты түрдегі әрекеті әкесін қорғап қалады.
Велосипед табылмайды.
Фильм соңында жоқшылықтан, шарасыздық қысқан шақта өз жоғын іздеп шыққан адамда - ұрлықшы болып қалуы мүмкін екендігімен бітеді.
Өмір, неткен қызық?
Суреттер ғаламтордан алынды