Көкжөтел

Көкжөтел қоздырғышы – Bordetella pertussis бактериясы.

Инфекция ауа-тамшылы жолмен беріледі.

Ауру жыл бойы кездеседі, бірақ көбінесе жаз айларында жиі тіркеледі.

Көбінесе 10 жасқа дейінгі вакцина алмаған балаларда кездеседі. Адамдардың шамамен жартысында инфекция симптомсыз өтеді, бірақ олар инфекцияның көзі болуы мүмкін. 

Көкжөтелдің үш кезеңі бар: катаральды кезең, пароксизмалды кезең және аурудың басылу кезеңі.

1.Катаральды кезең.

Бұл кезеңнің ұзақтығы шамамен 1-2 апта. Аурудың белгілері осы кезеңде ЖРВИ-дің белгілері сияқты : жөтел, мұрыннан су ағу, температураның сәл көтерілуі мүмкін.

ЖРВИ - да ауру бастапқы кезеңде бала қатты ауырып, 4-5 күннен кейін сауыға бастайды, ал көкжөтелде керсінше 6-7 күннен бастап өршей түседі.

 ЖРВИ кезінде мұрыннан бөлінетін сұйықтық 3-4 күнде қоюланып, түсі жасыл бола бастайды, ал көкжөтел кезінде ол көбінесе сулы,түссіз күйінде қалады. 

2.Пароксизмалды кезең.

Катаральды кезеңнен кейін пароксизмалды кезең келеді, оның ұзақтығыорташа 2-ден 8 аптаға дейін болады. Күшейіп келе жатқан жөтел ұстамалары, әсіресе түнгі уақытта, байқалады.Бірінен кейін бірі болатын ұстамалы жөтел болады,қатты шулы демалуымен (реприза) немесе құсумен аяқталады.

3. Басылу кезеңі.

Жөтел ұстамаларының біртіндеп азаяды,бірақ осы кезеңде ЖРВИ-мен ауырғанда олар қайта күшеюі мүмкін.

Көкжөтел асқынуы.

Тырысулар , пневмония,мұрыннан және көзден қан кету, бас ішілік қан құйылу, тік ішектің түсуі, қабырғалардың сынуы.

6 айындағы балаларда катаральды кезең көбінесе болмайды, асқынулар жиі дамиды: апноэ (тыныс алудың тоқтап қалуы),тырысулар, пневмония.

ОАК тапсырғанда⬇️

Лейкоциттер санының артуы және лимфоциттердің санының көбеюі байқалады.

Және ПЦР әдісі арқылы жұтқыншақтан мазок алу арқылы көкжөтел қоздырғышын анықтайды.

Емі:антибиотик.

Жөтел жеңілдету үшін антигистамин, жөтелге қарсы препараттар , глбкокортикостероидтар тағайындалуы мүмкін. Бірақ оны бала жасы, жағдайына байланысты тек дәрігер тағайындайды және олардың әсері аз , бала жағдайын жеңілдетуі шамалы.

Вакцинация – көкжөтелдің алдын алудың жалғыз әдісі.