Герпангина – бұл дене қызуының көтерілуі және ауыз қуысының кілегей қабаттарында пайда болатын бөртпелермен көрінетін жедел өтетін инфекциялық ауру.
Аурудың тарихи атауына қарамастан, оның герпес вирустарына ешқандай қатысы жоқ. Аурудың қоздырғыштары ретінде энтеровирустардың 20-дан астам серотиптері болуы мүмкін, көбінесе Коксаки А тобының вирустары, сирек жағдайда Коксаки В тобының вирустары және эховирустар.
Жиі 7 жасқа дейінгі балаларда кездеседі, бірақ кейде жасөспірімдер мен ересектерде де болуы мүмкін. Көбінесе жазда және күзде кездеседі. Ауру әлемнің барлық аймақтарында таралған.
Герпангина қалай жұғады?
Балалар вирусты лас қол,шомылу немесе ауа-тамшы жолымен жұқтырады. Аурудан кейін вирус нәжіспен бірнеше апта бойы шығуы мүмкін.
Аурудың алғашқы белгілері пайда болады?
Инкубациялық кезең 1-ден 10 күнге дейін созылуы мүмкін, көбінесе 3-5 күн.
Клиникалық көрінісі?
Ауру әдетте дене қызуының көтерілуінен басталады, көбінесе жоғары болады. Үлкен балалар тамақтың ауырғанына шағымдануы мүмкін, ал кішкентай балалар мазасызданып, тамақтан бас тартуы мүмкін.
Аурудың басты белгісі - ауыз қуысының шырышты қабаттарында, әдетте, таңдай бадамша бездерінде, жұмсақ таңдайда және таңдай тілінде пайда болатын бөртпелер. Әдетте 1-ден 15-ке дейін элемент болады. Алдымен ұсақ папулалар пайда болады, олар жақын арадағы тәулікте көпіршіктерге айналады. Олар бір тәулік ішінде жарылып, қызыл жиекпен қоршалған ұсақ жаралар қалдырады.
Герпангина қалай өтеді?
Ауру әдетте өздігінен өтеді. Дене қызуы әдетте 2-ден 4 күнге дейінболады, ауыз қуысының жаралары 3-тен 10 күнге дейін. Асқынулар өте сирек кездеседі және көбінесе жасөспірімдер мен ересектерде болады – жүйке жүйесінің зақымдануы түрінде: менингит, энцефалит, жедел паралич.
Герпангина кезінде қандай ем жүргізіледі?
Арнайы емдеу жоқ.
-Қажет болған жағдайда дене қызуын төмендететін және ауырсынуды басатын құралдар – парацетамол немесе ибупрофен қолданылады.
-Ауырсыну салдарынан балалар жиі сұйықтық ішуден бас тартатындықтан, жеткілікті мөлшерде сұйықтық ішу керек.
-Тамақтану кезінде ауырсынуды азайту үшін балаларды салқын жұмсақ тағамдармен – йогурт, жеміс пюресі, балмұздақпен тамақтандыру ұсынылады.