Желшешек қоздырғышы,яғни тудырушы — желшешек және белдемше теміреткіні қоздыратын вирус герпестің 3-типі.
Адам алғашқы жұқтырғанда желшешек пайда болады.Жазылғаннан кейін де вирус жұлын жүйке түйіндерінде қалады, ал ондаған жылдардан кейін белдемелі теміреткі ретінде көрінуі мүмкін.
Қалай жұғады?
Вирус ауа-тамшы жолымен немесе бөртпелермен тікелей контакт кезінде жұғуы мүмкін. Желшешекпен ауырған адамда бөртпе пайда болғанға дейін шамамен 1-2 күн бұрын, аурудың барлық элементтері қабыршақпен толығымен жабылғанға дейін, шамамен 8-10 күнге немесе соңғы бөртпелерден кейін 5 күнге дейін жұғады. Желшешекпен ауырған адамнан инфекция ауа-тамшы және контакт жолымен жұғуы мүмкін, ал белдемше теміреткімен ауырған адамнан инфекция тек контакт арқылы беріледі.
Вирус өте жұқпалы. Үйде байланыста болған жағдайда инфекцияға балалардың шамамен 80-90% жұқтырады, ал мектепте бір сыныпта 40%-ға дейін жұқтырады.
Желшешектің инкубациялық кезеңі көбінесе 14-16 күнді құрайды және 10-нан 21 күнге дейін созылуы мүмкін.
Кішкентай балаларда жиі бөртпеден басталады , ал үлкенірек балаларда алғашқы белгілер дене қызуының көтерілуі, әлсіздік, тәбеттің төмендеуі, іштің ауыруы болуы мүмкін, содан кейін келесі тәулікте бөртпе пайда болады. Бөртпелер әдетте қышиды.
Алдымен бөртпе дақ ретінде пайда болады, содан кейін ол папулаға , кейін көпіршікке айналады, көпіршік қабыршақ болады да,1-2 аптадан кейін түседі.
Бөртпе дененің барлық аймағында болады, соның ішінде ауыз қуысында, жыныс мүшелерінде де кездеседі.
Желшешек негізінен жеңіл өтетін ауру болғанымен, кейбір балаларда ауыр асқынулар болуы мүмкін. Ең жиі кездесетін асқынулардың бірі — терінің және тері астындағы қабаттың екінші реттік бактериялық инфекциялары. Мишық зақымдануы, сирек жағдайларда энцефалит (мидың қабынуы), пневмония сияқты ауыр асқынулар болуы мүмкін.
Ал енді емі:
-Температура болса–Парацетамол.
Мынадай мәліметтер бар: ибупрофен қабылдаған балаларда тері және теріасты май қабатының қайталама бактериялық инфекциялары жиі пайда болған. Клиникалық нұсқауларда желшешек (ветряная оспа) кезінде бірінші кезекте парацетамол қолдану ұсынылады.
-Бөртпеге–Каламин лосьон.
Көп жағдайда тері қышуын жеңілдету үшін құрамында каламин бар заттар ұсынылады, алайда, мұндай заттарды қолдану керісінше қасу санын көбейтетіні туралы ақпараттар да бар. Яғни желшешек кезінде 100% әсер ететін зат әлі анықталған жоқ.
-Сондықтан балаларға қышу азайту үшін антигистаминді препараттар беруге болады;
-Балалардың тырнақтарын қысқартып алу керек, бұл бактериялық инфекциялардың даму қаупін төмендетеді
«Нравится» батырмасын басып, сұрақтарыңызды астына жазыңыз