2022 жылы Ресей Федерациясының Украинадағы сепаратистік әскери институтционалдық квази бірлестіктерді қолдау мақсатында бастаған арнайы мақсаттағы әскери операциясы Украин билігін өз шарты негізінде тізе бүктіруді жоспарлағаны белгілі. Ресей Федерациясының қарулы күштері екі жылдың ішінде Украинаның Херсон, Запорожье, Луганск, Донецк облыстарын басып алып өздері 2014 жылы заңсыз плебицит өткізіп иемденіп алған Қырым жарты аралына құрлықтық жол ашуға қол жеткізді. Украина бірнеше мәрте тактикалық шабуылға шыққанымен ауқымды нәтижеге қол жеткізбеген еді?
Соғыс тақырыбын зерттейтін сарапшылар қашан Украина қарымта шабуылға шығады деп күтумен отыр еді?
Міне, Украина қарулы күштері қарымта шабуылға шықты десек болады?
Әрине, қарымта шабуыл бірнеше ай бұрында басталуы мүмкін еді. Украина НАТО әскери блогынан келу керек қару-жарақтарды күтті және Ресей Федерациясының ішкі аймақтарына диверсиялық операциялар жасап көру керек болды. Себебі, арнайы жасалған қарымта шабуыл нәтиже бермей қалуыда мүмкін.
Украина жоспарлаған қарымта шабуылдың мақсаты - Ресей Федерациясына Украина басып алынған жерлердегі шоғырланған басқыншы әскери құрамды шығаруға мәжбүрлеу. Жоғалтқан жерлерді қайтару. Соғыстың инициативасына қол жеткізу.
6 күні басталған Украина тарапының қарымта шабуылының нысаны ретінде Курск облысының таңдап алуы бекер болмауыда мүмкін.
Жалпы, Курск облысының Украина тарихымен тығыз байланысы бар. Украина әскері басып алған Суджа қаласы ХХ ғасырдың басында Украин Кеңестік Социалистік Республикасын жариялаған қалалардың бірі болған. Украин Анархиялық Республикасының басшысы Н. Махно бұл қаланы бірнеше мәрте басып алған. Украин Халық Республикасының президенті С. Петлюраның әскери күштеріде бұл қаланы иемденген. Ресейдегі азамат соғысы қызылдар жағына шешілген кезде Суджа қаласы РКФСР құрамына өткен.
Курск облысы аса әскериленген емес - әскери кешендік өнеркәсібі аз. Бірақ Ресей экономикасына әсер ететін Еуропаға тікелей бағытталатын газ труба желісі мен Атом станциясы бар. Украина қарулы күштеріне Брянск және Белгород облыстарына қарағанда қауіпсіздеу. Осы жағдайды пайдаланатын Украина қарулы күштері Курск облысының иемденіп алуға күші жеткен жерді басып алуға тырысады - соғыстағы Ресей жағынан жұмылдырылған күштерді өзіне тарту үшін. Бәлкім, бекініпте алуға тырысатында шығар. Бірақ, Ресей мен Украина арасында соғыс қимылдарына сараптама жасаушы Әзербайжандық сарапшы Агиль Рустамзаденің Украина ю туб арналарына берген сұхбатында украина тарапына Курск облысына бекініп алмағаны дұрыс деп айтқан болатын. Агиль Рустамзаденің айтуы бойынша Украина қарулы күштері Курск облысына бекініп алатын болса - Ресейлік артиллерияның нысанына айналады деп пайымдаған болатын.
Менің ойымша Украина қарулы күштерінің міндетіде осы болуы мүмкін. Олар, әлі жеткен Курск облысының аумағын басып алғанша - басып алып, қарсы тарапты шабуылдауға мәжбүрлемекші. Егер, Ресей тарапы Украина қарулы күштерд басып алған жерлерді бомбылайтын болса - Ресей өз халқын бомбының астына алады, өз легитимділігін жолалтады. Украина тарапының жоспарлаған әскери операциясының саяси мақсаты осыған саятын сыңайлы. Украина басып алған жерлерін - Ресей басып алған жерлермен алмастырайын деп тұрған жоқ. Украина тарапы Ресейдегі халықты өз билігіне қарсы қояйын деп тұр.
Украина тарапының қарымта шабуылына Курск облысының таңдалуы - оның географиялық таңдалуымен қатар әскери әлеуеті басты назарға алынса керек.
Бірақ Украина тарапының қарымта шабуылы Курск облысымен шектелмейді. Алдыңғы апталарда Украина қарулы күштері Ресейдің Брянск облысына кіріп, Белорусь Республикасын оқшаулап тастауы мүмкін. Егер Украина қарулы күштері Беларуссиямен шектесетін Ресейдің облыстарының аймақтарын басып алса. Бұл мүмкіндікке қол жеткізетін болса, Беларуссия жеріндегі Ресейдің резервтік күштерін оқшаулап тастауы мүмкін.
Егер Ресейдің жеріне еңген Украина күштерін айтарлықтай жерді бақылайтын болса - соғыстың инициативасы Ресейден Украина жағына көшіп кетуі мүмкін.
Ресей тарапы өзін қорғау үшін одақ ҰҚШ (ОДКБ) ұйымына мүше елдердің әскерін көмекке шақыра алмайды. Одан қорқудың қажеті жоқ.
Әрине, Украина тарапының әрекеті ҰҚШ (ОДКБ) ұйымына мүше елдердің арасында абыржу туғызуы мүмкін.
Бірақ ҰҚШ (ОДКБ) ұйымына мүше елдердің Украинаны қарсы Ресейді қолдау үшін әскери күшті жіберуі неғайбыл.
Себебі:
1. Ресей тарапы Украинаға бағытталған арнайы мақсатттағы әскери операцияны ҰҚШ ұйымының қолдауынсыз, біржақты бастаған болатын
2. Ресей билігі Украина тарапының Курск облысына басып кіруіне арандатушылық деп баға берген болатын.
3. ҰҚШҰ мүше, бірақ бұл ұйымнан әлі шыға қоймаған Армения Ресейге саяси түрдегі реніші бар. Армения ҰҚШҰ ұжымдық әскерін Ресейді қорғауға жіберуге қарсы шығатындығы белгілі.
4. Ресей тарапы Украина тарапының Курск облысында әрекетіне құқықтық тұрғыда басқыншылық деп баға берген жоқ
Сурет ғаламтордан алынды