Ақтан Керейұлы
Мен қашанғы жүйрігің
Қалағандарың сөз болса,
Қалағандарың сөз болса,
Мен жырлауға бір құмармын,
Шұбалаң құйрықта шұбармын,
Шапқан аттай саулаймын,
Жанған оттай қаулаймын,
Неғылғанмен де дер күнім,
Бұлдырағанда таудаймын
Екі атысқанда жау болса
Арасында бір панамын
Мен ақбауырда кер жорғай
Əдемі басқан аяғын
Қарасаң көзің жеткісіз
Жылмиып жатқан даламын,
Жорытқан атқа жеткізбес
Ұзын бауыр саламын
Жоғарыдан аққанай Жайықпын
Теңізге құйған аяғын
Шығыстың қатты желімен
Ылайланып ағамын
Сөйлемеймін мен неге
Қашаннан да мен өзім
Саржақ бір туған баламын
Сөйлесем сөзді табамын
Сөйлей сөйлей аламын
Көпшілік сөйле дегенде
Іркілмеймін жел сөзге
Кеудедегі ғой білгенді
Алдыңа төгіп саламын
Қаумалап халқым келгенсін
Селдетпей топан жел сөзді
Көрінбейін бекерге
Меніңде айтқан сөздерім
Таңдайыңа татымас
Абылда менен Нұрымнан
Дəніккен жұртым шекер жеп
Мен Адайдың Ақтаны
Сөйлесем сөзім тақталы
Бөгесе бөгет бермейтін
Қара таудың ақпары
Сөйлей сөйлей берейін
Сөз жүйесінде көрейін
Əріден бері сөйлесем
Бұл өзімнің мерейім
Сөйлегенім қиын ба
Сөз деген де бұйым ба
Талайда талай сөйледім
Сатырлаған жиында
Жайықта деген бір жанды су
Жайықта деген жанды су
Көзі бір қара қанды су
Біздің жүрген жеріміз
Күнде бір базар күнде ду
Мен сүргіннің сойымын
Алқалы жерде шапқандай
Ойпаңда жерде сортаң бар
Жабыдан туған қорқақ бар
Сөйле десе жыршыңыз
Алдарыңда жортақтар
Туғанда айға ат берген
Ақ қағаз бен хат берген
Екі ерін мен тіл таңдай
Сөйлесін деп жақ берген
Шықпайда отырай домбырам
Сырылдап мұның қақпағы
Айтқанда сөзге түсінбес
Адамның мисыз ақымағы
Домбырам отыр қағынып
Он екі перне қос ішек
Бауырына тағылып
Қоянға қосқан тазыдай
Бүктетіліп ай жазылып
Осы араға келгенің
Əдептен құр қалмассың
Үлкенге сəлем бергеннен
Айта берсең өлең бар
Түрлі де түрлі өнер бар
Түсінетін адамға
Ретін айттым терменің
Ұядағы балапан
Ұшатын күні болғандай
Қанаты қатып толғандай
Істейді ол да көргенін
Жолдаста болсаң ай жақсымен
Дұшпаныңды бір жеңгенің
Құлағың сал жігіттер
Жарлымын деп мұңайма
Жетіде мүшеңай сау болса
Құдайдың сол бергені.
https://www.youtube.com/watch?v=Gw-8wUWgQzs
#esenmediakz #жыр #жыр-терме #терме