Әлфия Афзал кызы Авзалова - Совет һәм Россия татар җырчысы, татар филармониясе солисты. РСФСРның атказанган артисты (1983). Татар АССРның халык артисты (1970).
Әлфия Авзалова Башкортстан Республикасының Калтасы районы Яңа Кабан авылында туган . Иртә ятим кала: әнисе Альфиягә 5 яшь булганда үлә. Әтисе Бөек Ватан сугышында һәлак була. Соңрак бертуган апасы ике кызны Актанышка үз янына ала.
1957 елда ул Татар дәүләт җыр һәм бию ансамбле солисты була, А. Ключарев, М. Мөзаффаров, 3. Хәбибуллин һәм башка күп кенә композиторларның катлаулы әсәрләрен башкара. Аның репертуарына борынгы һәм хәзерге халык җырлары кергән. Вокал осталыгына һәм нота грамотасына ул вакытта Г.Тукай исемендәге Татар дәүләт филармониясенең сәнгать җитәкчесе булып эшләгән Раиса Кәрим кызы Волкова өйрәтә.
Ансамбльдә бер ел эшләгәннән соң Әлфия Авзалова музыка училищесына укырга керә, ләкин сигез айдан соң тавышын өзә. Тавышын кире кайтарганнан соң, ул үз-үзен укыту белән шөгыльләнә һәм ансамбльгә кире кайта. Аннары Татгосфилармониянең сәнгать җитәкчелеге тәкъдиме буенча Әлфия Авзалова үзенең концерт төркемен оештыра, анда Кәрим Габидуллин җитәкчелегендәге орган, гитара, клавиша һәм синтезатордан торган «Казан утлары» эстрада инструменталь ансамбле, шулай ук бию төркеме керә.
Бу ансамбль белән бергә Әлфия Авзалова Урта Азия һәм Балтыйк буе республикалары буйлап гастрольләрдә була, Мәскәүдә, Ленинградта һәм Россиянең күп кенә шәһәрләрендә була, Татарстан һәм Башкортостан нефтьчеләре, КамАЗ төзүчеләре, авыл хезмәтчәннәре алдында чыгыш ясый. Ике-өч ай дәвам итә алган һәр сәяхәт өчен ул 100 дән артык концерт бирә алган.
Җырчы беренче зур уңышын 1957 елда Мәскәүдә татар сәнгате һәм әдәбияты декадасында чыгыш ясаганда яулый.
Әлфия Авзалова Казанда озакка сузылган авыр авырудан соң 85 яшендә вафат була. Казанда татар зиратында җирләнгән.
Ирешкән уңышлары:
• Хезмәт Кызыл Байрагы ордены (1987 ел) хезмәтчәннәрне музыкаль — эстетик тәрбияләүдәге уңышлары өчен.
• Хезмәт Кызыл Байрагы ордены (1976 ел).• «Казанның 1000 еллыгы истәлегенә» медале (2005 ел).
• РСФСРның атказанган артисты (1983 ел) Совет музыка сәнгате өлкәсендәге хезмәтләре өчен.
• Татар АССРның халык артисты (1970 ел).
• Татар АССРның атказанган артисты (1962 ел).
• Татарстан Республикасының Габдулла Тукай исемендәге Дәүләт премиясе (1992 ел).
• «Татарстан Республикасы алдындагы казанышлары өчен ордены (2008 ел).
• Күпьеллык иҗади эшчәнлеге һәм музыка сәнгате үсешенә зур өлеш керткәне өчен Татарстан Республикасы Президентының рәхмәте (2013 ел).
• Совет тынычлыкны саклау комитетының «халыклар арасында тынычлыкны ныгыту буенча актив эшчәнлеге өчен» мактау грамотасы (1960 ел).
• «Татар эстрадасы легендасы» мактаулы бүләге (2008 ел).
• Казан Йолдызлар аллеясында исем йолдызы (2003).