24 июньдә Мәскәүдә Евгений Вахтангов исемендәге театрда 2022-2023 елгы сезон нәтиҗәләре буенча Россиянең «Алтын битлек» Милли театр премиясен тапшыруның XXX тантанасы узды.
Бүләкләү тантанасының прологы булып «Таврида» арт-кластеры һәм театр эшлеклеләренең яшьләр берләшмәсе ярдәме белән Россия Театр эшлеклеләре берлеге тарафыннан оештырылган «театр Арбат» карнавал йөреше булды. Арбат буйлап урам театрларының костюмлы колоннасы узды: тамашачылар урам һәм цирк артистларының перформансларын, тере сыннарны, ходулистларны, урта гасыр шаяртуларын күрделәр. Йөреш Евгений Вахтангов исемендәге театр янында тәмамланды.
Шулай ук премиянең һәм «Алтын битлек» фестиваленең 30 еллыгына Мәскәү театрларының «Ачык ишекләр көне» акциясе багышлана, ул Россия Театр эшлеклеләре берлеге инициативасы белән үткәрелә. 45 театр сәхнә белән танышырга теләүчеләрнең барысына да үз ишекләрен ачты. Бу акция ярдәмендә 2000гә якын кеше экскурсияләрдә булды, спектакльләрнең ачык репетицияләрен карады, актерлык осталыгы буенча мастер-классларда катнашты.
«Алтын битлек» премиясен тапшыру тантанасы Евгений Вахтангов исемендәге театрның төп сәхнәсендә узды. Залда бөтен Россиядән номинантлар җыелган: артистлар, режиссерлар, драматурглар, дирижерлар, хореографлар, рәссамнар һәм башка Театр һөнәрләре вәкилләре.
Тантананы Россия театр эшлеклеләре берлеге рәисе, «Алтын битлек» премиясе һәм Фестивале Президенты, РФ халык артисты Владимир Машков һәм Россия театр эшлеклеләре берлеге секретаре, «Алтын битлек» премиясе һәм фестивале вице-президенты, РФ атказанган сәнгать эшлеклесе Кирилл Крок ачты.
"«Алтын битлек» премиясе 30 ел элек нәкъ менә Евгений Вахтангов исемендәге театрда барлыкка килгән.Ммин ышанам, Вахтангов театры залында безнең театрның иң талантлы, иң матур эшлеклеләре җыелган. Һәм бүген барысына да уңышлар гына телим! Безнең эштә иң мөһиме – талант!" диде үз чыгышында Кирилл Крок.
Сәламләү сүзләреннән соң лауреатларны бүләкләү башланды. Беренче бүлектә курчак театрына, опереттага һәм мюзиклга, балетка һәм заманча биюгә багышланган номинацияләрдә, шулай ук "Эксперимент" номинациясендә җиңүчеләр билгеләнде.
- Курчак театрлары арасында иң яхшы спектакль булып «Әкият» Татар курчак театрының «Авиатор» спектакле танылды.
- "Алтын битлек"нең соңгы төп номинациясендә "Иң яхшы спектакль". Драма театры" номинациясен Г.Камал исемендәге татар дәүләт академия театраның "Болганчык еллар. Мөһаҗирләр" спектаклен алды. Җиңүчеләргә бүләкне «Алтын битлек» премиясе һәм фестивале вице-президенты, Россия театр эшлеклеләре берлеге секретаре, РФ атказанган сәнгать эшлеклесе Кирилл Крок тапшырды.
- Жюри әгъзасы, Россия театр сәнгате институты ректоры - ГИТИС, РФ СТД секретаре, РФ атказанган сәнгать эшлеклесе Григорий Заславский “Ил язмышына катнашы булган һәм милли геройны эзләгән өчен” премиясе лауреатын Г. Кариев исемендәге яшь тамашачы театрының “Рөстәм маҗаралары” спектаклен атады.