Саха сирин киин куоратыгар судаарыстыбаннай-чааһынай кыттыһыы бириинсибинэн тутулла турар култуура ураты кластерын тутуутун сүрүн түһүмэҕэ бүттэ. Комплекс бүддьүөтү таһынан үбүлээһининин, бырайыактааһынын, тутуутун уонна салгыы тэхиньиичэскэй көрүүтүн-истиитин «ВИС» Бөлөх хааччыйар. Тутааччылар 33 тыһ. м² кэриҥэ иэннээх дьиэ монолит каркааһын оҥорон бүтэрдилэр. Онуоха 25 тыһ. м³ кэриҥэ бетон туһанылынна.
Бетоннааһыны бүтэриини сэргэ сааһыары үлэ киэҥ далааһына дьиэ иһигэр эмиэ ыытылынна. 2-6 этээстэргэ быыс/соҕуруокка оҥоруу, нарылыыр үлэ — эркин устукатуурката, ититии, гидроизоляция уонна муоста кырыс сотуута — ыытыллар. Бүгүҥҥү күҥҥэ 15 тыһ. м² тахса быыс, 1,5 тыһ. м² тахса эркин устукатууркаланна, оччо кээмэйдээх муоста оҥоһуга ититилиннэ. Былаһааккаҕа 220 тахса киһи уонна 11 тутуу тиэхиньикэтэ үлэлиир.
Биир саамай улахан үлэнэн бырайыак быһыытынан дьиэни ии эргийэр фасад конструкцияларын мантаастааһын буолар. Бу түһүмэх бүппүтүн кэннэ өстүөкүлэ фасадтары туруоруу саҕаланыа. Сыстар сиргэ эспланада буолар сыбаайа хонуутун оҥоруу үлэтэ ыытыллар, 349 сыбаайаттан 267 туруорулунна. Сайсары күөл тумуһугар 8600 м² иэннээх учаастагы былааннааһын уонна тупсарыы ыытыллар. Оттон тупсарыллыбыт сир уопсай иэнэ 15 тыһ. м² элбэх.
Саха сирин киин куоратыгар ГЧП-бырайыагы олоххо киллэрии түмүгүнэн аныгылыы тииптээх култуура кластера оҥоһуллуо. Бу кластер судаарыстыбаннай филармонияны, национальнай тыйаатырдары бииргэ түмүө уонна Саха сирин норуоттарын ускуустубаларын уонна култуураларын диэйэтэллэригэр саҥа үрдүк таһымнаах усулуобуйаны олохтуо.
Судаарыстыбаннай филармония уонна эпос уонна ускуустуба Арктикатааҕы киинин комплекса Саха Өрөспүүбүлүкэтин Бырабыыталыстыбата уонна «ВИС» Бөлөх икки ардыларыгар судаарыстыбаннай-чааһынай кыттыһыы сөбүлэҥинэн тутуллар. Ити сөбүлэҥ усулуобуйатынан холдинг инбиэстэр уонна чааһынай кыттыгас быһыытынан бырайыак толору тыын суолталаах сыыкылын иһин эппиэттиир, наадалаах бары тэрилинэн уонна инбэнтээринэн хааччыйар. Тутуу бүппүтүн кэннэ холдинг бары инженернэй тиһигин уонна тэрилин тэхиньиичэскэй туһаныытын 2031 сылга диэри хааччыйар.