Ресей федерациясының президентінің В. В. Путиннің айналасындағы адамдардың саяси қызметтен айырылуы - Украинамен ресми емес соғыс жағдайында ешкім күтпеген жаңалықтардың бірі болғаны анық. Әрине, Ресей мемлекетіндегі мұндай ауыс-түйістер артында көптеген қордаланып қалған мәселелер әсер еткені анық. Ресей мемлекетіне Украинаға қарсы арнайы операция аталған арнайы соғыс қимылдарын бастағанда күштік құрылымдық күштердің басында аталмыш тұлғалардың рөлі айқын көрінгені анық. Ресей федерациясының мемлекеттік қауіпсіздік мекемесінен шыққан Н. Патрушевті ел ішінде В. В. Путинді президенттіке отырғызушы тұлғалар санатында жатқызады. В. В. Путин 1999 жылы Ресейде билік басына келгенде мемлекеттік қауіпсіздік мекемесіне басшы болған Н. Патрушевті Санкт-Петербург қаласының 90-жылдардағы алғашқы мері А. Собчак командасының әскери қанатын басқарған адам ретінде де қарастыратындар бар. В. В. Путиннің Ресей саясатына А. Собчак командасынан келгені белгілі.
Ал С. Шойгу В. В. Путинге 1999 жылы тікелей саяси қолдау көрсеткен ұлттық аймақтар басшылары (Башқұртстан, Тува, Татарстан және Кемерев облысының басшылары) құрған "Біріккен Ресей" партиясын құрушылардың бірі.
Көпжылдар бойы Ресейде төтенше жағдай саласын басқарған, кейін қорғаныс министрлігіне ауысты. Сібір халықтары буддистік және шаманистік сенімді ұстанатын бурят, тыва, алтай, қалмақ халықтары арқылы С. Шойгуды Ресейлік масштабта кең танымал жасау үшін мемлекеттік ресусттар көп күш жұмсаған болатын. С. Шойгуды ХІІІ ғасырдағы Моңғол империясының ханы Шыңғыс ханның қолбасшысы Сүбедей бахадүрдің заманауи тұлғасы, діни түсініктегі қайта жаңғыру (реаркарнациясы) деп жарнамасы кең тараған.
Ресей федерациясы Украинаға қарсы арнайы әскери операциясын бастағанда Н. Патрушев көпжылғы Ресей мемлекетінің Украинадағы барлау, арнайы байланыс орнату, саяси күштерді Ресей мемлекетімен ынтымақтастық орнату мәселесіне жауапты болған болатын. Ал С. Шойгу Украинадағы тікелей ұрыс қимылдарын жоспарлау, жүргізу операциясына жауапты болған болатын. Ресей федерацисының Украинаға қарсы арнайы әскери операциясын жүзеге асыру барысында С. Шойгудың дауысы жазылған Ресей мемлекетінің жоғарғы басшыларымен сөйлесуі кең тараған болатын. Бәлкім, бұл аудиожазба жалған болуыда мүмкін.
Ресей мемлекетінде шешуші рөлді атқаратын тұлғалардың қызметтен алынуын соңғы кездері Н. Патрушев айналасында қалыптаса бастаған ашық саяси әңгімелер мен қорғаныс министрі С. Шойгу арасындағы жанжал себепкер болды делінеді.
Саяси сарапшылар әртүрлі пайымдап жатыр, бірі - Ресей президенті Н. Патрушевті қызметтен алуды жоспарлады десе екіншілер С. Шойгудың қоғамға әсерін төмендету керек болды дейді. Әрине, Ресей президенті өз билігін орнықтыру үшін екі тұлғаны мейлінше пайдаланды. Енді жаңадан сайланған президентке қоғамның сұранысына байланысты екі тұлғада керек жоқ дейді.
- Н. Патрушев қауіпсіздік кеңесі басшылығынан түсіп, президенттің кеңесшісі болып тағайындалып,қызмет аясы тарылып қалды дейді.
- С. Шойгу төңірегіне топтасқан генералдардың Украинадағы соғысты жеңіске дейін жеткізе алмауымен Ресейде орын алған "Вагнер" ЖӘК бүлігін президенттің келіссөз арқылы басуыда аталмыш тұлға сенімнің азайғанын білдіртеді.
Ресейдің ішінде көбейе бастаған жеке әскери компанияларға бақылаудың әлсіздігі арнайы әскери операциядан оралған азаматтардың қылмыс жасауының көбеюі қорғаныс министрлігіне деген қоғам тарапынан сұрақтардың қордалануыда мәселені ушықтыра бастады.
Украина ұшқышсық басқару аппараттарының Татарстанға дейін жетуіде - арнайы әскери операциясының тиімді жүргізуіне сұрақтардың туындатқаны белгілі.
Қорғаныс министрлігі жүргізіп жатқан арнайы әскери операцияның көп қаржыны талап өтуіде - бақылаудың керектігін көрсете бастады.
Қоғамда әскери қызметтегі адамдардың ықпал етуші рөлі арта бастады.
Сондықтанда Ресей президенті күштік құрылымдарды бақылау үшін азаматтық қызметтегі адамды алып келді
Сурет ғаламтордан алынды